'ઇમરાન ખાન કૉમેડિયન, કપિલના શૉમાં સિદ્ધૂની જગ્યા લઇ શકે છે' - કોણે આપી આવી સલાહ

રેહમ ખાને ઇમરાન ખાન પર કટાક્ષ કરતાં કહ્યું- તેની પાસે ગજબનુ કૉમેડી ટેલેન્ટ છે, અને મારી સલાહ છે કે તે ધ કપિલ શર્મામાં નવજોત સિંહ સિદ્ધુની જગ્યા લઇ શકે છે

ઇસ્લામાબાદઃ પાકિસ્તાનમાં રાજકીય સંકટ હજુ ખતમ નથી થયુ, એકબાજુ ઇમરાન ખાન પાસેથી વડાપ્રધાનની ખુરશી છીનવાઇ ગઇ છે, છતાં ઇમરાનને લોકો જુદીજુદી સલાહ આપીને તેને મજાક ઉડાવી રહ્યાં છે. હવે આ લિસ્ટમાં તેની પૂર્વ પત્નીનુ નામ પણ જોડાઇ ગયુ છે. ઇમરાન ખાનની પૂર્વ પત્ની રેહમ ખાને હવે ઇમરાનને રાજકારણની જગ્યાએ ભારતના કૉમેડી શૉ ધ કપિલ શર્મા જૉઇન કરવાની સલાહ આપી છે. 

રેહમ ખાને ઇમરાન ખાન પર કટાક્ષ કરતાં કહ્યું- તેની પાસે ગજબનુ કૉમેડી ટેલેન્ટ છે, અને મારી સલાહ છે કે તે ધ કપિલ શર્મામાં નવજોત સિંહ સિદ્ધુની જગ્યા લઇ શકે છે. ઉલ્લેખનીય છે કે, આખા રાજકીય સંકટ દરમિયાન રેહમ ખાને ઇમરાન ખાન પર સતત કટાક્ષો કર્યા છે. રેહમે ફરીથી ઇમરાન પર હુમલો કરતા તેને મિની ટ્રમ્પ સુધી કહી દીધુ હતુ. 

એક પાકિસ્તાની રિપોર્ટર સાથે વાત કરતા, રેહમ ખાને ઇમરાન ખાનની મજાક ઉડાવી હતી, તેને કહ્યું કે, તેને બૉલીવુડમાં હાથ અજમાવવો જોઇએ. રેહમે આ દરમિયાન ઇમરાન ખાનના તે નિવેદનનો પણ ઉલ્લેખ કર્યો જેમાં તેને ભારતની પ્રસંશા કરતા કહ્યું હતુ કે કોઇપણ મહાશક્તિ ભારત માટે શરતો નિર્ધારિત નથી કરી શકતી. 

રેહમ ખાને કહ્યું કે ઇમરાન ખાનને બૉલીવુડમાં મોકો આપવો જોઇએ. તેની પાસે સારુ કૉમેડી ટેલેન્ટ છે. કપિલ શર્મા શૉમાં પાજી નવજોત સિદ્ધુની જગ્યા ખાલી છે, આવામાં ઇમરાન તેની જગ્યા લઇ શકે છે. પાજી સાથે તેની સારી દોસ્તી પણ છે અને હવે ઇમરાને કવિતા પણ શરૂ કરી દીધી છે. 

 

આ પણ વાંચો.......