Mayank Yadav Team India: IPL ટીમ લખનઉ સુપર જાયન્ટ્સનો ફાસ્ટ બૉલર મયંક યાદવ ખૂબ જ ટુંકા સમયમાં ચર્ચામાં આવી ગયો છે. તેણે પોતાના ફાસ્ટ બોલથી બધાને ચોંકાવી દીધા હતા. મયંકનું અત્યાર સુધી સારું પ્રદર્શન જોવા મળ્યું છે. મયંક ડૉમેસ્ટિક ક્રિકેટમાં રમે છે. પરંતુ તેને હજુ સુધી ટીમ ઈન્ડિયામાં એન્ટ્રી મળી નથી. ભારતીય ક્રિકેટ કંટ્રોલ બૉર્ડના સચિવ જય શાહે આ અંગે પ્રતિક્રિયા આપી છે. મયંક હાલમાં નેશનલ ક્રિકેટ એકેડમીમાં છે અને પોતાના પર કામ કરી રહ્યો છે.
ટાઈમ્સ ઓફ ઈન્ડિયાના એક સમાચાર અનુસાર જય શાહે કહ્યું કે, "હું આ સમયે મયંક યાદવ પર કોઈપણ પ્રકારની પ્રતિક્રિયા આપી શકું તેમ નથી." તે ટીમ ઈન્ડિયામાં જોડાશે કે નહીં તેની કોઈ ખાતરી નથી. પરંતુ તેની પાસે ઘણી ક્ષમતા છે. તે ખૂબ જ સારો ઝડપી બોલર છે અને અમે તેના પર નજર રાખી રહ્યા છીએ. તે હાલમાં નેશનલ ક્રિકેટ એકેડમીમાં છે.
મયંકે આઈપીએલ 2024માં શાનદાર પ્રદર્શન કર્યું હતું. તેણે 150 કિલોમીટર પ્રતિ કલાકથી વધુની ઝડપે બૉલિંગ કરી હતી. મયંકે પણ 156.7 કિલોમીટર પ્રતિ કલાકની ઝડપે બૉલ ફેંક્યો છે. મયંકે ગત સિઝનથી આઈપીએલમાં ડેબ્યૂ કર્યું છે. તેણે અત્યાર સુધી માત્ર 4 આઈપીએલ મેચ રમી છે. આ દરમિયાન 7 વિકેટ ઝડપી છે. મેચમાં મયંકનું સર્વશ્રેષ્ઠ પ્રદર્શન 14 રનમાં 3 વિકેટ લેવાનું હતું.
મયંકની અત્યાર સુધીની કારકિર્દી પર નજર કરીએ તો તે 17 લિસ્ટ A મેચ રમ્યો છે. આ દરમિયાન 34 વિકેટ ઝડપી છે. મયંકનું એક મેચમાં સર્વશ્રેષ્ઠ પ્રદર્શન 47 રનમાં 4 વિકેટ લેવાનું રહ્યું છે. મયંકે એક ફર્સ્ટ ક્લાસ મેચ પણ રમી છે. તેણે 14 ટી20 મેચમાં 19 વિકેટ લીધી છે. જો મયંક ડૉમેસ્ટિક ક્રિકેટમાં સારું પ્રદર્શન કરશે તો તેને જલ્દી જ ટીમ ઈન્ડિયામાં જગ્યા મળી શકે છે.
આ પણ વાંચો
IPL 2025ને લઈને સામે આવ્યા મોટા સમાચાર, ધોની માટે જૂનો નિયમ ફરી લાવવાની તૈયારીમાં BCCI
IPLમાંથી ખતમ થવા જઈ રહ્યો છે ઇમ્પેક્ટ પ્લેયરનો રૂલ? BCCI સેક્રેટરી જય શાહે આપી માહિતી