RR vs RCB, Match Highlights: રાજસ્થાન સામે બેંગ્લોરનો સાત વિકેટે વિજય, પ્લે ઓફની રેસમાં લગભગ બહાર સંજૂ સેમસનની ટીમ
IPL 2021, RR vs RCB: આઇપીએલના ઇતિહાસમાં અત્યાર સુધીમાં બંન્ને ટીમો 23 વખત ટકરાઇ છે. આ દરમિયાન વિરાટ કોહલીની ટીમે 11 મેચ જીતી છે
રાજસ્થાન રોયલ્સ સામે રોયલ ચેલેન્જર્સ બેગ્લોરની ટીમનો સાત વિકેટે વિજય થયો હતો. આ સાથે જ બેંગ્લોરની ટીમ પ્લે ઓફ તરફ આગળ વધી હતી. આ સીઝનમાં ટીમની સાતમી જીત છે. 11 મેચમાં હવે બેગ્લોરની ટીમના 14 પોઇન્ટ છે. રાજસ્થાન રોયલ્સે પ્રથમ બેટિંગ કરતા 20 ઓવરમાં નવ વિકેટ પર 149 રન બનાવ્યા હતા. જેના જવાબમાં બેંગ્લોરની ટીમે ફક્ત 17.1 ઓવરમાં સરળતાથી 150 રન ફટકારી જીત મેળવી હતી. આ હાર સાથે જ રાજસ્થાનની પ્લે ઓફમાં પહોંચવાની આશા લગભગ ખત્મ થઇ ગઇ છે.
બેંગ્લોર તરફથી ગ્લેન મેક્સવેલે સૌથી વધુ અણનમ 50 રન ફટકાર્યા હતા. આ દરમિયાન તેણે છ ચોગ્ગા અને એક સિક્સ ફટકારી હતી. જ્યારે કેએસ ભરતે 44 રનની ઇનિંગ રમી હતી.
દેવદત્ત પડ્ડિકલ બાદ વિરાટ કોહલી પણ પેવેલિયન ભેગો થઇ ગયો છે. તેણે 25 રન બનાવ્યા હતા.
આરસીબીને પ્રથમ ઝટકો લાગ્યો છે. પડ્ડિકલ 23 રન બનાવી આઉટ થયો હતો. મુસ્તફિઝુર રહેમાને પડ્ડિકલને બોલ્ડ કર્યો હતો.
આરસીબીએ સારી શરૂઆત કરી છે. ઓપનર્સે આક્રમક શરૂઆત અપાવી છે. કોહલી 20 અને દેવદત પડ્ડિકલ 22 રને રમતમાં છે.
પ્રથમ બેટિંગ કરતા રાજસ્થાન રોયલ્સે 20 ઓવરમાં 149 રન બનાવ્યા છે. બેગ્લોરને જીત માટે 150 રન જોઇએ છે. આ મેચમાં રાજસ્થાને સારૂ શરૂઆત કરી હતી, ઓપનર એવિન લૂઇસ અને યશસ્વીએ સારી શરૂઆત અપાવી પણ ટીમનો અન્ય બેટ્સમેન તેનો ફાયદો ઉઠાવી શક્યા નહોતા. રાજસ્થાનની ટીમે આઠ ઓવરમાં 77 રન બનાવ્યા હતા પરંતુ બાદમાં 12 ઓવરમાં ફક્ત 72 રન બનાવી શકી હતી. જ્યારે આરસીબી તરફથી શાહબાદ અહમદ, ચહલ અને હર્ષલ પટેલે સારી બોલિંગ કરી હતી.
બેંગ્લોરના બોલરોએ ટીમની શાનદાર વાપસી કરાવી છે. રાજસ્થાને સતત ત્રણ ઓવરમાં ત્રણ વિકેટ ગુમાવી હતી. 13મી ઓવરમાં મહિપાલ લોમરોર અને કેપ્ટન સંજૂ સેમસનને આઉટ થયા હતા. શાહબાજ અહમદે બે વિકેટ ઝડપી હતી.
રાજસ્થાને બીજી વિકેટ ગુમાવી છે. એવિન લૂઇસ 58 રન બનાવી આઉટ થયો હતો. પોતાની પ્રથમ મેચ રમી રહેલા બેગ્લોરના ઝડપી બોલર જ્યોર્જ ગાર્ટનને પ્રથમ વિકેટ મળી છે. રાજસ્થાનનો સ્કોર બે વિકેટે 101 રન છે. આ અગાઉ યશસ્વી 22 બોલમાં 31 રન બનાવી આઉટ થયો હતો.
રાજસ્થાને સારી શરૂઆત કરી હતી. ઓપનર લૂઇસ અને યશસ્વીએ ટીમને સારી શરૂઆત અપાઇ છે. પાંચ ઓવરમાં 50 રન ફટકારી દીધા છે.
રાજસ્થાન અને બેંગ્લોર વચ્ચેની મેચ શરૂ થઇ ગઇ છે અને રાજસ્થાનના ઓપનર્સ એવિન લૂઇસ અને યશસ્વી ક્રિઝ પર છે.
રાજસ્થાનમાં કાર્તિક ત્યાગીની વાપસી થઇ છે. તેને જયદેવ ઉનડકટના સ્થાને સામેલ કરવામાં આવ્યો છે. જ્યારે બેંગ્લોરની ટીમમાં કાઇલ જેમિસનના સ્થાને ઝડપી બોલર જ્યોર્જ ગાર્ટનને તક આપવામાં આવી છે.
બ્રેકગ્રાઉન્ડ
Rajasthan Royals vs Royal Challengers Bangalore:આઇપીએલમાં આજે રાજસ્થાન રોયલ્સ અને રોયલ ચેલેન્જર્સ બેગ્લોરની ટીમ વચ્ચે મેચ રમાશે. આજે સાંજે સાડા સાત વાગ્યે દુબઇમાં મેચ રમાશે. આઇપીએલમાં રાજસ્થાન રોયલ્સ અને બેંગ્લોરની ટીમ વચ્ચે જોરદાર ટક્કર જોવા મળી છે.
રાજસ્થાન રોયલ્સે જો પ્લે ઓફમાં પહોંચવું છે તો કોઇ પણ ભોગે આજની મેચ જીતવી જ પડશે. વિરાટની ટીમ માટે પણ જીત જરૂરી છે. કારણ કે યુએઇમાં તેનો રેકોર્ડ ખૂબ ખરાબ રહ્યો છે.
આઇપીએલના ઇતિહાસમાં અત્યાર સુધીમાં બંન્ને ટીમો 23 વખત ટકરાઇ છે. આ દરમિયાન વિરાટ કોહલીની ટીમે 11 મેચ જીતી છે તો રાજસ્થાને 10 મેચ જીતી છે.જોકે, રાજસ્થાન વિરુદ્ધ છેલ્લી ત્રણ મેચમાં આરસીબીનું પલડુ ભારે રહ્યું છે. આ ત્રણેય મેચમાં તેણે રાજસ્થાનને હાર આપી છે.
- - - - - - - - - Advertisement - - - - - - - - -