IPL 2022, Mega Auction: ઇન્ડિયન પ્રિમિયરનું મેગા ઓક્શન બેંગલુરુમાં ચાલી રહ્યું છે. બે કરોડ રૂપિયાની બેઝ પ્રાઇસ ધરાવતા ઓસ્ટ્રેલિયાના આક્રમક ઓપનર ડેવિડ વોર્નરને આ ઓક્શનમાં ભારે નુકસાન થયું છે.
ઓસ્ટ્રેલિયાના ઓપનર ડેવિડ વોર્નરને દિલ્હી કેપિટલ્સે રૂ. 6.25 કરોડમાં ખરીદ્યો હતો. મુંબઈ ઈન્ડિયન્સ અને ચેન્નાઈ સુપર કિંગ્સે પણ વોર્નરને ખરીદવામાં રસ દાખવ્યો હતો. હરાજી પહેલા વોર્નર વિશે ઘણી અટકળો ચાલી રહી હતી કે તે મોંઘા ખેલાડીઓમાંથી એક બની શકે છે. વોર્નરનો અગાઉ આઈપીએલનો પગાર 12.5 કરોડ રૂપિયા હતો. વોર્નરે 2021 સિવાય સનરાઇઝર્સ માટે દરેક સિઝનમાં 500થી વધુ રન બનાવ્યા છે. તેમ છતાં સનરાઇઝર્સે તેને છોડ્યો. ત્રણ વખત ઓરેન્જ કેપ કબજે કરનાર વોર્નરે પોતાની કેપ્ટનશીપમાં સનરાઇઝર્સને ચેમ્પિયન પણ બનાવ્યું છે.
ઓસ્ટ્રેલિયન ટેસ્ટ ટીમના સુકાની પેટ કમિન્સ તેની અગાઉની ટીમ કોલકાતા નાઈટ રાઈડર્સમાં પરત ફર્યો છે. પરંતુ તેને ગત વખતની સરખામણીમાં અડધી કિંમત મળી હતી. ગુજરાત, લખનૌ જેવી ટીમોએ પણ કમિન્સને ખરીદવા માટે રસ દાખવ્યો હતો. પેટ કમિન્સને કોલકાતાએ 7.25 કરોડમાં ખરીદ્યો હતો. નોંધપાત્ર રીતે, કમિન્સને IPL 2020ની હરાજીમાં રૂ. 15.50 કરોડની ભારે કિંમતમાં વેચવામાં આવ્યો હતો.
આ સિઝનમાં શ્રેયસ કોલકાતા નાઈટ રાઈડર્સ તરફથી રમતો જોવા મળશે. KKR એ શ્રેયસને રૂ. 12.25 કરોડમાં ખરીદ્યો. શ્રેયસ ઐયરને ખરીદવાની રેસમાં દિલ્હી, બેંગલુરુ, ગુજરાત, લખનઉ જેવી ટીમો પણ સામેલ હતી. KKR એક કેપ્ટનની શોધમાં છે, તેથી શ્રેયસ અય્યર શ્રેષ્ઠ વિકલ્પ બની શકે છે.
Ayushman Bharat: હવે તમે આરોગ્ય સેતુ એપ દ્વારા તમારું આધાર જેવું યુનિક હેલ્થ આઈડી જનરેટ કરી શકો છો
કોરોના દર્દીઓને આગળ જતાં આ બિમારીનો કરવો પડી શકે છે સામનો, ના રાખશો બેદરકારી, જાણો વિગતે