IPL: IPL મેચ ફિક્સિંગ મામલે CBI એ ત્રણ લોકોની કરી ધરપકડ, સટ્ટોડિયાનું PAK સાથે કનેકશન !

IPL Updates: 2019માં આઈપીએલ સટ્ટાબાજીનો દોર પાકિસ્તાન સુધી હતો, પાકિસ્તાન તરફથી મળેલા ઈનપુટ્સના આધારે મેચો પ્રભાવિત થઈ હતી.

IPL:  સેન્ટ્રલ બ્યુરો ઓફ ઈન્વેસ્ટિગેશન (CBI) એ વિશ્વની સૌથી મોટી ક્રિકેટ લીગ ઈન્ડિયન પ્રીમિયર લીગની મેચોમાં ફિક્સિંગ અને સટ્ટાબાજીના સંબંધમાં ત્રણ લોકોની ધરપકડ કરી છે. જેમાં એક દિલ્હીનો અને બે હૈદરાબાદનો સમાવેશ થાય છે. ધરપકડ કરાયેલા લોકોના તાર પાકિસ્તાન સાથે પણ સંબંધિત હોઈ શકે છે અને આ અંગે મળેલી માહિતીના આધારે સીબીઆઈએ તપાસ શરૂ કરી છે. સીબીઆઈએ આ કેસમાં પાકિસ્તાન સાથે જોડાયેલા ફિક્સિંગ નેટવર્કનો પર્દાફાશ કર્યો છે.

સમાચાર એજન્સી, પીટીઆઈએ સીબીઆઈના સૂત્રોને ટાંકીને જણાવ્યું હતું કે 2019માં આઈપીએલ સટ્ટાબાજીનો દોર પાકિસ્તાન સુધી હતો, પાકિસ્તાન તરફથી મળેલા ઈનપુટ્સના આધારે મેચો પ્રભાવિત થઈ હતી. સીબીઆઈએ પણ આ મામલામાં કેસ નોંધ્યો છે અને ત્યારબાદ ત્રણ લોકોને કસ્ટડીમાં લેવામાં આવ્યા છે. IPL 2019ની ફાઇનલમાં, મુંબઈ ઈન્ડિયન્સે રોમાંચક ફાઇનલમાં ચેન્નાઈ સુપર કિંગ્સને 1 રનથી હરાવીને ટાઈટલ જીત્યું હતું.

ક્યારથી ચલાવતા હતા રેકેટ

તપાસ એજન્સીએ વધુમાં જણાવ્યું કે દિલ્હીના રોહિણીથી ધરપકડ કરાયેલ વ્યક્તિનું નામ દિલીપ કુમાર છે જ્યારે ગુરમ વાસુ અને ગુરમ સતીશની હૈદરાબાદથી ધરપકડ કરવામાં આવી છે. આ લોકો 2013થી તેમનું નેટવર્ક ચલાવી રહ્યા હતા.

આ પણ વાંચોઃ