CSK vs GT Score: ચેન્નઈએ ગુજરાતને 63 રને હરાવ્યું, CSK પોઈન્ટ ટેબલમાં ટોચ પર
આજે IPL 2024માં ચેન્નાઈ સુપર કિંગ્સ અને ગુજરાત ટાઇટન્સ વચ્ચે મુકાબલો થશે. બંને ટીમો ચેન્નાઈના એમએ ચિદમ્બરમ સ્ટેડિયમમાં ટકરાશે.
IPL 2024ની સાતમી મેચમાં ચેન્નાઈ સુપર કિંગ્સે ગુજરાત ટાઇટન્સને 63 રનથી હરાવ્યું છે. પ્રથમ બેટિંગ કરતા ચેન્નાઈએ 20 ઓવરમાં છ વિકેટ ગુમાવીને 206 રન બનાવ્યા હતા. જવાબમાં ગુજરાતની ટીમ 20 ઓવરમાં 8 વિકેટ ગુમાવીને 143 રન જ બનાવી શકી હતી. આ જીત સાથે રુતુરાજ ગાયકવાડની આગેવાની હેઠળની ચેન્નાઈની ટીમ પોઈન્ટ ટેબલમાં ચાર પોઈન્ટ સાથે ટોપ પર પહોંચી ગઈ છે.
ગુજરાતને સાતમો ફટકો 17મી ઓવરમાં 121ના સ્કોર પર લાગ્યો હતો. મુસ્તફિઝુર રહેમાને રાશિદ ખાનને રચીનના હાથે કેચ કરાવ્યો હતો. તે એક રન બનાવી શક્યો હતો. હાલમાં ઉમેશ યાદવ અને રાહુલ તેવટિયા ક્રિઝ પર છે.
ગુજરાતને 114ના સ્કોર પર પાંચમો ઝટકો લાગ્યો હતો. 15મી ઓવરમાં મતિશા પથિરાનાએ સાઈ સુદર્શનને સમીર રિઝવીના હાથે કેચ આઉટ કરાવ્યો હતો. 16મી ઓવરમાં તુષાર દેશપાંડેએ અઝમતુલ્લા ઓમરઝાઈને રચિન રવિન્દ્રના હાથે કેચ કરાવીને છઠ્ઠો ફટકો આપ્યો હતો. સુદર્શને 31 બોલમાં ત્રણ ચોગ્ગાની મદદથી 37 રનની ઇનિંગ રમી હતી.
ગુજરાતને ચોથો ઝટકો 12મી ઓવરમાં 96ના સ્કોર પર લાગ્યો હતો. તુષાર દેશપાંડેએ ડેવિડ મિલરને રહાણેના હાથે કેચ કરાવ્યો હતો. તે 16 બોલમાં 21 રન બનાવી શક્યો હતો. તુષારની આ 100મી આઈપીએલ વિકેટ હતી. હાલમાં સાઈ સુદર્શન અને અઝમતુલ્લા ઓમરઝાઈ ક્રિઝ પર છે.
આઠ ઓવર બાદ ગુજરાતે ત્રણ વિકેટ ગુમાવીને 57 રન બનાવ્યા છે. હાલમાં સાઈ સુદર્શન અને ડેવિડ મિલર ક્રિઝ પર છે. આઠમી ઓવરમાં ડેરીલ મિશેલે વિજય શંકરને વિકેટકીપર ધોનીના હાથે કેચ કરાવ્યો હતો. માહીએ શાનદાર કેચ લીધો હતો. તે 12 રન બનાવી શક્યો હતો.
ગુજરાતને બીજો ફટકો પાંચમી ઓવરમાં 34 રનના સ્કોર પર લાગ્યો હતો. શુભમન ગિલ બાદ દીપક ચહરે રિદ્ધિમાન સાહાને પેવેલિયન મોકલ્યો હતો. શુભમન LBW આઉટ થયો હતો. જ્યારે ચહરે સાહાને તુષાર દેશપાંડેના હાથે કેચ કરાવ્યો હતો. તે 17 બોલમાં ચાર ચોગ્ગાની મદદથી 21 રન બનાવીને આઉટ થયો હતો.
ત્રીજી ઓવરમાં દીપક ચહરે ગુજરાત ટાઇટન્સને પહેલો ઝટકો આપ્યો હતો. તેણે કેપ્ટન શુભમન ગિલને LBW આઉટ કર્યો હતો. શુભમન પાંચ બોલમાં આઠ રન બનાવીને આઉટ થયો હતો. ચહરે IPLમાં ચોથી વખત શુભમનને પેવેલિયન મોકલ્યો હતો. હાલમાં સાઈ સુદર્શન અને રિદ્ધિમાન સાહા ક્રિઝ પર છે.
ચેન્નાઈ સુપર કિંગ્સે ગુજરાત ટાઇટન્સને જીતવા માટે 207 રનનો વિશાળ ટાર્ગેટ આપ્યો છે. ટોસ હાર્યા બાદ પ્રથમ બેટિંગ કરતા CSKએ 20 ઓવરમાં છ વિકેટ ગુમાવીને 206 રન બનાવ્યા હતા. શિવમ દુબેએ શાનદાર ઈનિંગ રમતા અડધી સદી ફટકારી હતી.
16 ઓવર પછી ચેન્નાઈએ ત્રણ વિકેટ ગુમાવીને 165 રન બનાવી લીધા છે. હાલમાં ડેરીલ મિશેલ 12 બોલમાં 14 રન અને શિવમ દુબે 16 બોલમાં 41 રન બનાવીને બેટીંગ કરી રહ્યો છે. તેણે અત્યાર સુધી પોતાની ઇનિંગમાં ચાર સિક્સર ફટકારી છે. બંને વચ્ચે 38 રનની ભાગીદારી થઈ છે.
ચેન્નાઈ સુપર કિંગ્સે 13મી ઓવરમાં 127 રનમાં ત્રીજી વિકેટ ગુમાવી હતી. ઋતુરાજ ગાયકવાડ 36 બોલમાં 46 રન બનાવીને આઉટ થયો હતો. તેના બેટમાંથી 5 ચોગ્ગા અને એક છગ્ગો આવ્યો હતો. હવે શિવમ દુબે અને ડેરીલ મિશેલ ક્રિઝ પર છે.
104 રનના સ્કોર પર CSKને બીજો ઝટકો અજિંક્ય રહાણેના રૂપમાં લાગ્યો હતો. રહાણે ઈનિંગની 11મી ઓવરના પહેલા બોલ પર સાઈ કિશોરે સ્ટમ્પ આઉટ થયો હતો. આ દરમિયાન રહાણે 12 બોલમાં 12 રન બનાવીને આઉટ થયો હતો. હાલ શિવમ દુબે અને ઋતુરાજ ગાયકવાડ ક્રિઝ પર હાજર છે.
9 ઓવર પછી ચેન્નાઈ સુપર કિંગ્સનો સ્કોર એક વિકેટે 92 રન છે. કેપ્ટન ગાયકવાડ 21 રન બનાવીને રમી રહ્યો છે. તેની સાથે અજિંક્ય રહાણે છે. આ પહેલા રચિન રવિન્દ્ર 20 બોલમાં 46 રન બનાવીને આઉટ થયો હતો.
ચેન્નાઈ સુપર કિંગ્સની પ્લેઈંગ ઈલેવન- રુતુરાજ ગાયકવાડ (કેપ્ટન), રચિન રવિન્દ્ર, અજિંક્ય રહાણે, ડેરીલ મિશેલ, શિવમ દુબે, રવિન્દ્ર જાડેજા, સમીર રિઝવી, એમએસ ધોની (વિકેટકીપર), દીપક ચહર, તુષાર દેશપાંડે અને મુસ્તફિઝુર રહેમાન.
ગુજરાત ટાઇટન્સની પ્લેઇંગ ઇલેવન- રિદ્ધિમાન સાહા (વિકેટકીપર), શુભમન ગિલ (કેપ્ટન), અઝમતુલ્લા ઓમરઝાઇ, ડેવિડ મિલર, વિજય શંકર, રાહુલ તેવટિયા, રાશિદ ખાન, રવિશ્રીનિવાસન સાઇ કિશોર, ઉમેશ યાદવ, મોહિત શર્મા અને સ્પેન્સર જોન્સન.
ગુજરાત ટાઇટન્સના કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો છે. ચેન્નાઈ સુપર કિંગ્સ ટીમ પ્રથમ બેટિંગ કરશે. ગુજરાતે તેની પ્લેઈંગ ઈલેવનમાં કોઈ ફેરફાર કર્યો નથી. ચેન્નાઈએ મોટો ફેરફાર કર્યો છે.
બ્રેકગ્રાઉન્ડ
Chennai Super Kings vs Gujarat Titans Live: આજે IPL 2024માં ચેન્નાઈ સુપર કિંગ્સ અને ગુજરાત ટાઇટન્સ વચ્ચે મુકાબલો થશે. બંને ટીમો ચેન્નાઈના એમએ ચિદમ્બરમ સ્ટેડિયમમાં ટકરાશે. ગુજરાતની ટીમે ટોસ જીતી પ્રથમ બોલિંગ કરવાનો નિર્ણય કર્યો છે. ચેન્નાઈ અને ગુજરાત બંનેએ 17મી સિઝનની શરૂઆત જીત સાથે કરી હતી. જ્યાં ચેન્નાઈએ તેની પ્રથમ મેચમાં RCBને હરાવ્યું હતું. ગુજરાતે મુંબઈને હરાવ્યું હતું.
છેલ્લી ફાઈનલ ચેન્નાઈ અને ગુજરાત વચ્ચે રમાઈ હતી
IPL 2023ની ફાઈનલમાં જ્યારે ગુજરાત ટાઇટન્સ અને ચેન્નાઈ સુપર કિંગ્સ વચ્ચે ટક્કર થઈ ત્યારે ચેન્નાઈની કમાન એમએસ ધોનીના હાથમાં હતી. ગુજરાતનો કેપ્ટન હાર્દિક પંડ્યા હતો. પરંતુ આ વખતે જ્યારે બંને ટીમો સામસામે હશે ત્યારે શુભમન ગિલ અને ઋતુરાજ ગાયકવાડ આમને-સામને હશે.
ચેન્નાઈ અને ગુજરાત વચ્ચે હેડ ટુ હેડ
આઈપીએલના ઈતિહાસમાં અત્યાર સુધીમાં ચેન્નાઈ સુપર કિંગ્સ અને ગુજરાત ટાઈટન્સ વચ્ચે પાંચ મેચ રમાઈ છે. આ સમયગાળા દરમિયાન ચેન્નાઈ માત્ર બે મેચ જીતી શકી છે. જ્યારે ગુજરાતે ત્રણ મેચ જીતી છે. આવી સ્થિતિમાં ગુજરાતનો માથા ઉપર હાથ છે.
જેના કારણે ચેન્નાઈનો હાથ ઉપર છે
ચેન્નાઈ અને ગુજરાત બંનેએ આ સિઝનમાં જીત સાથે તેમના અભિયાનની શરૂઆત કરી હતી. જ્યારે ચેન્નાઈએ તેની પ્રથમ મેચમાં RCBને હરાવ્યું હતું, ત્યારે ગુજરાતે મુંબઈ ઈન્ડિયન્સ સામે લગભગ હારેલી રમત જીતી હતી. જો કે આજની મેચની વાત કરીએ તો ચેન્નાઈનો હાથ ઉપર હોય તેમ જણાય છે. ખરેખર, આના બે કારણો છે. પહેલું એ કે આ સિઝનમાં અત્યાર સુધી ઘરઆંગણે રમનારી તમામ ટીમો જીતી ચૂકી છે અને બીજું એ કે ચેન્નાઈ ઘરઆંગણે વધુ ખતરનાક બની ગઈ છે.
- - - - - - - - - Advertisement - - - - - - - - -