બધા જાણે છે કે શ્રેયસ અય્યર ખૂબ જ સારો ડાન્સર છે. દરરોજ તેના ડાન્સ વીડિયો સોશિયલ મીડિયા પર છવાયેલા રહે છે. હવે ફરી એકવાર તેનો ડાન્સ વીડિયો સામે આવ્યો છે, જેમાં તે વિન્ડીઝના ઓલરાઉન્ડર આન્દ્રે રસેલ સાથે ડાન્સ કરતો જોવા મળી રહ્યો છે.
વીડિયોમાં શ્રેયસ એકથી વધુ સ્ટેપ કરતો જોવા મળી રહ્યો છે. આન્દ્રે રસેલ પણ તેના કેરેબિયન ડાન્સ સાથે તેને ખૂબ જ સારી રીતે શ્રેયસ સાથે ડાન્સ કરતો જોવા મળે છે. આ બંને ખેલાડીઓએ પ્રખ્યાત સિંગર રેમાના 'કમ ડાઉન' ગીત પર ડાન્સ કર્યો હતો. કોલકાતા નાઈટ રાઈડરના ઈન્સ્ટાગ્રામ પેજ પર એ આ બંને ખેલાડીઓની આ ડાન્સ કોમ્પિટિશનનો વીડિયો શેર કરવામાં આવ્યો છે.
કોલકાતા નાઈટ રાઈડર્સનું શાનદાર પ્રદર્શનઃ
કોલકાતા નાઈટ રાઈડર્સ (KKR) IPLમાં શાનદાર પ્રદર્શન કરી રહી છે. ટીમ આ સિઝનની ચારમાંથી ત્રણ મેચ જીતીને IPL પોઈન્ટ ટેબલમાં ટોચ પર છે. ટીમ માટે શ્રેયસ અય્યરને કેપ્ટન તરીકે પસંદ કરવાનો નિર્ણય સાચો સાબિત થયો છે. તે ટીમને વધુ સારી રીતે માર્ગદર્શન આપતો જોવા મળે છે.
કોલકાતાની ટીમમાં બેટ્સમેન, બોલર અને ઓલરાઉન્ડરનું સારું મિશ્રણ છે. ટીમની તાકાત તેના ઓલરાઉન્ડર છે, જે બોલિંગની સાથે બેટિંગમાં પણ સારી રીતે કરીને ટીમને મજબૂત બનાવે છે. ઓલરાઉન્ડરોના કારણે જ KKRમાં આઠમા નંબર સુધીનો કોઈપણ ખેલાડી ફિનિશર બેટ્સમેનની ભૂમિકા ભજવી શકે છે.