LSG vs RCB Eliminator: રોમાંચક મેચમાં લખનઉ સામે 14 રનથી બેગ્લોરની જીત, રજત પાટીદારની અણનમ સદી

પ્રથમ બેટિંગ કરતા બેગ્લોરે ચાર વિકેટે 207 રન બનાવ્યા હતા. રજત પાટીદારે 54 બોલમાં 12 ચોગ્ગા અને સાત છગ્ગા સાથે અણનમ 112 રન બનાવ્યા હતા

Continues below advertisement

Lucknow Super Giants vs Royal Challengers Bangalore, Eliminator: કોલકાતાના ઈડન ગાર્ડન્સ ખાતે રમાયેલી IPL 2022ની એલિમિનેટર મેચમાં રોયલ ચેલેન્જર્સ બેંગ્લોરે લખનઉ સુપર જાયન્ટ્સને 14 રનથી હરાવ્યું હતું. હવે શુક્રવારે તે બીજી ક્વોલિફાયરમાં રાજસ્થાન રોયલ્સ સામે ટકરાશે. આરસીબીએ પ્રથમ બેટિંગ કરતા 20 ઓવરમાં 4 વિકેટે 207 રન બનાવ્યા હતા. જવાબમાં લખનઉની ટીમ 20 ઓવરમાં 193 રન જ બનાવી શકી હતી. RCBની આ જીતનો હીરો રજત પાટીદાર અને જોશ હેઝલવુડ રહ્યા હતા. પાટીદારે અણનમ 112 રન બનાવ્યા હતા જ્યારે હેઝલવુડે મહત્વની ત્રણ વિકેટ ઝડપી હતી. 

Continues below advertisement

લક્ષ્યનો પીછો કરવા ઉતરેલી લખનઉની શરૂઆત ખરાબ રહી હતી. ડી કોક 5 બોલમાં 6 રન બનાવીને આઉટ થયો હતો. બાદમાં મનન વોહરાએ 11 બોલમાં 19 રન બનાવ્યા હતા. દરમિયાન તેણે એક ફોર અને બે સિક્સર ફટકારી હતી .  કેએલ રાહુલ અને દીપક હુડ્ડા વચ્ચે ત્રીજી વિકેટ માટે 96 રનની પાર્ટનરશીપ કરી હતી. 

લખનઉનો બેટ્સમેન દીપક હુડ્ડા 45 રન બનાવીને આઉટ થયો હતો. તે હસરંગાની બોલિંગમાં ક્લીન બોલ્ડ થયો હતો. જોશ હેઝલવુડે રાહુલને શાહબાઝ અહેમદના હાથે કેચ આઉટ કરાવ્યો હતો. કેએસ રાહુલ બાદ 79 રન બનાવી આઉટ થયો હતો.  રાહુલ બાદ કૃણાલ પંડ્યા પણ શૂન્ય રન પર આઉટ થયો હતો.  

ટોસ હાર્યા બાદ પ્રથમ બેટિંગ કરતા બેગ્લોરે ચાર વિકેટે 207 રન બનાવ્યા હતા, RCBની શરૂઆત ખરાબ રહી હતી અને તેણે પહેલી જ ઓવરમાં કેપ્ટન ડુ પ્લેસિસની વિકેટ ગુમાવી દીધી હતી. આ પછી વિરાટ કોહલી અને રજત પાટીદારે અડધી સદીની ભાગીદારી કરી હતી. કોહલી 25 રને આઉટ થયા બાદ મેક્સવેલ પણ જલદી આઉટ થઇ ગયો હતો. પરંતુ રજત પાટીદારે આક્રમક બેટિંગ ચાલુ રાખી હતી. તેણે તોફાની બેટિંગ કરતા શાનદાર સદી ફટકારી હતી. રજત પાટીદારે 54 બોલમાં 12 ચોગ્ગા અને સાત છગ્ગા સાથે અણનમ 112 રન બનાવ્યા હતા. દિનેશ કાર્તિકે પણ અણનમ 37 રન બનાવ્યા હતા.

આ પણ વાંચોઃ

Rajya Sabha Election: આખરે કેમ કપિલ સિબ્બલને રાજ્યસભામાં મોકલવા તૈયાર થયું સપા, વાંચો ઈનસાઈડ સ્ટોરી

Digit Insurance IPO: વિરાટ કોહલી સમર્થિત Digit Insurance લાવશે IPO, જાણો કેટલા કરોડ એકત્ર કરવાની છે યોજના

Crime News: પતિ શરીર સુખ માણવા પ્રેમિકાના લાવવા માંગતો હતો ઘરે, પત્નીએ કર્યું એવું કે જાણીને રૂંવાડા ઉભા થઈ જશે

Delhi Liquor Delivery: દેશના આ જાણીતા રાજ્યમાં દારૂની હોમ ડિલિવરી માટે હજુ જોવી પડશે રાહ, જાણો વિગત

Continues below advertisement
Sponsored Links by Taboola