Kagiso Rabada Viral Video: પંજાબ કિંગ્સ (PBKS)ના ફાસ્ટ બોલર કાગિસો રબાડાનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોમાં રબાડા વાતચીત દરમિયાન હિન્દી ફિલ્મના ડાયલોગ બોલતા જોવા મળે છે. આ દરમિયાન જ્યારે એન્કરે રબાડાને પૂછ્યું કે, શું તમે સલમાન ખાનને ઓળખો છો. તો જવાબમાં રબાડાએ કહ્યું કે ના... હું માત્ર રાશિદ ખાનને ઓળખું છું. રબાડાના જવાબ બાદ એન્કર આશ્ચર્યચકિત થઈ ગઈ હતી.
"એક બાર જો મેને કમિટમેન્ટ કર દી...."
આ વીડિયોમાં કગીસો રબાડા સલમાન ખાનની ફિલ્મ વોન્ટેડનો ડાયલોગ બોલતા જોવા મળે છે, 'એક બાર જો મેને કમિટમેન્ટ કર દી ફીર મેં અપને આપ કી ભી નહી સુનતા'. આ વીડિયોમાં રબાડાની સાથે વેસ્ટ ઈન્ડિઝનો ખેલાડી ઓડિયન સ્મિથ પણ સની દેઓલના ડાયલોગ બોલતો જોવા મળે છે. આ વીડિયોમાં ઓડિયન સ્મિથ દામિની ફિલ્મનો ડાયલોગમાં તારીખ પે તારીખ.. બોલતો જોવા મળી રહ્યો છે.
આ વીડિયોમાં ઓસ્ટ્રેલિયન ખેલાડી નાથન એલિસે કાગિસો રબાડાને પૂછ્યું કે શું તમે શાહરૂખ ખાનને ઓળખો છો? કાગીસો રબાડાએ જવાબ આપ્યો કે હા, હું આ ફિલ્મ સ્ટારને ઓળખું છું. આટલું જ નહીં, આ પછી રબાડાએ શાહરૂખ ખાનની ફિલ્મ ઓમ શાંતિ ઓમનો ફેમસ ડાયલોગ 'પિક્ચર અભી બાકી હૈ મેરે દોસ્ત' બોલીને સંભળાવ્યો હતો. રબાડા અને પંજાબ કિંગ્સ (PBKS)ના અન્ય ખેલાડીઓનો આ વીડિયો સોશિયલ મીડિયા પર ખૂબ પસંદ કરવામાં આવી રહ્યો છે.