ધોનીએ કયા પાકિસ્તાનીને અચાનક પોતાની ટીશર્ટ ગિફ્ટમાં આપતા થઇ ગયો ભાવુક, ટીશર્ટ જોઇને શું લખ્યું, જાણો વિગતે

મહેન્દ્ર સિંહ ધોનીએ પાકિસ્તાની ફાસ્ટ બૉલર હરિસ રૌફેને પોતાની જર્સી ગિફ્ટ કરી છે,

નવી દિલ્હીઃ ક્રિકેટની દુનિયામાં ખેલદિલીથી મોટી કોઇ વાત નથી. ખેલાડીઓ મેદાન પર ભલે એકબીજાના હરીફ હોય પરંતુ રિયલ લાઇફમાં તમામની વચ્ચે સુમેળભર્યો અને ખેલદિલીવાળો વ્યવહાર હંમેશા જોવા મળે છે. આવો જ વ્યવહાર ભારતીય ટીમના પૂર્વ કેપ્ટન મહેન્દ્ર સિંહ ધોની દ્વારા જોવા મળ્યો છે. ધોનીએ આ વખતે પોતાના પાકિસ્તાની ફેન પર દિલ ખોલ્યુ છે. 

તાજેતરમાં જ મહેન્દ્ર સિંહ ધોનીએ પાકિસ્તાની ફાસ્ટ બૉલર હરિસ રૌફેને પોતાની જર્સી ગિફ્ટ કરી છે, ધોનીએ રઉફને તેની સાઈન કરેલી ચેન્નાઈ સુપર કિંગ્સ (CSK) જર્સી ભેટમાં આપી છે. ખાસ વાત છે કે ધોનીએ અત્યારે આંતરરાષ્ટ્રીય ક્રિકેટમાંથી નિવૃત્તિ લઇ લીધી છે, પરંતુ ધોની IPLની CSK ટીમનો કેપ્ટન છે.

એમએસ ધોનીની સુંદર ગિફ્ટ મળ્યા બાદ પાકિસ્તાની ક્રિકેટર રઉફ ખુબ ખુશ થઇ ગયો છે. રઉફે જર્સીનો ફોટો સોશિયલ મીડિયા પર શેર કર્યો હતો. 

હરિશ રાઉફે એક ઈમોશનલ પોસ્ટ લખી છે, લખ્યું- લિજેન્ડ અને કેપ્ટન કૂલ મહેન્દ્ર સિંહ ધોનીએ મને તેમનો સુંદર શર્ટ ભેટમાં આપીને સન્માન કર્યું છે. નંબર-7 આજે પણ પોતાના વ્યવહાર અને ઉદારતાથી લોકોના દિલ જીતી રહ્યો છે. 

-

આ પણ વાંચો--