PKL 21-2022 : કબડ્ડી લીગમાં આજે દબંગ દિલ્હી સામે ટકરાશે ગુજરાત જાયન્ટ્સ, જાણો બન્નેની શું છે સ્થિતિ..........

આ સિઝનમાં દિલ્હીએ દમદાર શરૂઆત કરી હતી, રેડર નવીન કુમારના દમ પર દિલ્હી સતત લીગ ટેબલમાં ટૉપ પર રહી હતી.

PKL Dabang Delhi vs Gujarat Giants : પ્રૉ કબડ્ડી લીગની આઠમી સિઝનની 81મી મેચમાં આજે દબંગ દિલ્હી (Dabang Delhi)ની ટક્કર ગુજરાત જાયન્ટ્સ (Gujarat Giants) સાથે થવાની છે. લીગ ટેબલમાં ગુજરાત જાયન્ટ્સ 28 પૉઇન્ટની સાથે  11માં નંબર પર છે, જ્યારે દબંગ દિલ્હી 43 પૉઇન્ટની સાથે ત્રીજા નંબર પર ટકી છે. 

આ સિઝનમાં દિલ્હીએ દમદાર શરૂઆત કરી હતી, રેડર નવીન કુમારના દમ પર દિલ્હી સતત લીગ ટેબલમાં ટૉપ પર રહી હતી. પરંતુ તેના ઇજાગ્રસ્ત થયા બાદથી દિલ્હી દરેક મેચમાં લથડતી દેખાઇ. કેપ્ટન જોગિન્દર નરવાલ પણ ઇજાગ્રસ્ત છે. આવામાં ટીમમાં એટેકની પુરેપુરી જવાબદારી ઓલરાઉન્ડર સંદિપ નરવાલ અને વિજય પર રહેશે. બન્નેએ નવીન એક્સપ્રેસની ગેરહાજરીમાં અત્યાર સુધી સારી રમત બતાવી છે. 

સંદીપ નરવાલે આ સિઝનમાં અત્યાર સુધી 18 રેડ અને 21 ટેકલ પૉઇન્ટ હાંસલ કર્યા છે. વળી, વિજયના 13 મેચોમાં 71 રેડ પૉઇન્ટ છે. મંજિત ચિલ્લર અને જીવા કુમારના અનુભવી ખભાઓ પર ટીમના ડિફેન્ટનો દારોમદાર રહેશે. જોકે કૃષ્ણને ગઇ મેચમાં સારુ પ્રદર્શન કર્યુ હતુ. 

ગુજરાતની ટીમ માટે આ સિઝન અત્યાર સુધી કંઇ ખાસ નથી રહી. ટીમે 11 મેચોમાં માત્ર ત્રણ જીત જ મેળવી છે. જોકે ટીમના કેટલાક ખેલાડીઓ સતત બેસ્ટ રમત રમી રહ્યાં છે. રેડર રાકેશ સંગરોયા 11 મેચોમાં 84 રેડ પૉઇન્ટ મેળવી ચૂક્યો છે. મહેન્દ્ર રાજપૂત તેનો સારો સાથ આપી રહ્યો છે. ગઇ મેચમાં મહેન્દ્રએ 9 પૉઇન્ટ મેળવ્યા હતા. ડિફેન્સમાં કેપ્ટન સુનિલ કુમાર અને પરવેશ ભૈંસવાલ હાલ પરફેક્ટ છે. સુનીલે ગઇ મેચમાં 5 સફળ ટેકલ કર્યા હતા, વળી પરવેશે 11 મેચોમાં અત્યાર સુધી 25 ટેક પૉઇન્ટ કર્યા છે. 

 

આ પણ વાંચો.........