BGMI Ban: ઓનલાઇન ગેમ રમનારાઓમાં હડકંપ, PUBGની જેમ રાતોરાત ગાયબ થઇ ગઇ Battlegrounds મોબાઇલ ગેમ, જાણો

એક મીડિયા રિપોર્ટ અનુસાર તાજેતરમાં જ કંપનીએ કહ્યું હતુ કે તેને  ભારતમાં 100 મિલિયન ડૉલર્સનુ રોકાણ કર્યુ હતુ, અને આવનારા સમયમાં તે ભારતમાં 140 મિલિયન ડૉલર્સનુ રોકાણ કરી શકે છે. 

Battlegrounds Mobile India: મોબાઇલ ગેમર્સ માટે એક નિરાશાજનક સમાચાર સામે આવ્યા છે. ખરેખરમાં પ્લે સ્ટૉર પરથી બેટલગ્રાઉન્ડ્સ મોબાઇલ ઇન્ડિયા એટલે કે BGMIને હટાવી દેવામાં આવી છે, આને એપલ સ્ટૉર પરથી પણ હટાવી દેવામાં આવી છે, એટલ કે હવે આને એન્ડ્રોઇડ અને આઇઓએસ યૂઝર્સ પોતાના ફોનમાં ડાઉનલૉડ નહીં કરી શકે. ઉલ્લેખનીય છે કે, ભારતમાં PUBG Mobile બેન થયા બાદ આને લૉન્ચ કરવામાં આવી છે, હવે આ પણ રાતોરાત બેન થઇ જતા ઓનલાઇન ગેમ રમનારાઓમાં હડકંપ મચી ગયો છે. 

BGMIને અચાનક બેન કરવાનો શું છે મતલબ ?
ગૂગલ પ્લે સ્ટૉર અને એપલ એપ સ્ટૉર પરથી બીજેએમઆઇની એકસાથે હટાવવા ખુબ મોટા સવાલો ઉભા કરી રહ્યાં છે. કેટલાક જાણકારો માને છે કે, કદાચ કંપની કોઇ મોટુ અપડેટ લાવી શકે છે. કેટલાક લોકો વિચારી રહ્યાં છે કે આ ગેમને પબજીની જેમ બેન ના કરી દેવામાં આવી હોય ? જોકે, આ એપ્સને થર્ડ પાર્ટી એપ્સથી હજુ પણ ફોનમાં ડાઉનલૉડ કરી શકાય છે, પરંતુ આઇઓએસ યૂઝર આને ક્યાંયથી પણ ડાઉનલૉડ નથી કરી શકતા.

ઉલ્લેખનીય છે કે, પબજી મોબાઇલની જેમ BJMI પણ Krafton Inc કંપની અંતર્ગત આવે છે, એક મીડિયા રિપોર્ટ અનુસાર તાજેતરમાં જ કંપનીએ કહ્યું હતુ કે તેને  ભારતમાં 100 મિલિયન ડૉલર્સનુ રોકાણ કર્યુ હતુ, અને આવનારા સમયમાં તે ભારતમાં 140 મિલિયન ડૉલર્સનુ રોકાણ કરી શકે છે. 

આ પણ વાંચો..........