જામનગરમાં જાણીતા વકીલને કઈ રીતે ઝનૂનથી જાહેરમાં છરીના 30 ઘા મારીને કરાઈ હત્યા, જુઓ વીડિયો

જામનગરઃ જામનગરમાં જાણીતા વકીલ કિરીટ જોષીની મોડી રાત્રે હત્યા કરાઈ હતી.  બાઈક પર આવેલા અજાણ્યા શખ્સોએ 10થી 12 જેટલા છરીના ઘા મારી કિરીટ જોષીની હત્યા કરી હતી.  ટાઉનહોલ પાસે જ્યોત ટાવરમાં આવેલી ઓફિસમાં વકીલ પર હુમલો કરવામાં આવ્યો હતો. હુમલામાં ઘાયલ વકીલને સારવાર માટે ગુરુગોવિંદસિંહ હોસ્પિટલમાં દાખલ કરવામાં આવ્યા હતા જ્યાં તેમનું સારવાર દરમિયાન મોત થયું હતું. આ હત્યાની આ સમગ્ર ઘટના સીસીટીવીમાં કેદ થઇ હતી. પોલીસે સીસીટીવી ફૂટેજના આધારે હુમલાખોરોને ઝડપી લેવા તજવીજ હાથ ધરી છે. વકીલ કિરીટ જોશી સો કરોડની જમીનનો કેસ લડી રહ્યા હતા. જેને લઈને તેમની હત્યા કરાઈ હોવાની આશંકા વ્યક્ત કરવામાં આવી રહી છે.