ક્રિસ ગેઇલે ગોવામાં કોની સાથે કર્યો ગંગનમ સ્ટાઈલ ડાન્સ ? જુઓ વીડિયો

 મુંબઇઃ ઇન્ડિયન પ્રિમિયર લીગમાં કિંગ્સ ઇલેવન પંજાબના ઓપનર ક્રિસ ગેઇલ ધૂમ મચાવી રહ્યો છે. ક્રિસ ગેઇલ ટુનામેન્ટમાં બે અડધી સદી અને હૈદરાબાદ વિરુદ્ધ સદી ફટકારી ચૂક્યો છે. જોકે, હાલમાં ગેઇલ ટુનામેન્ટ છોડીને ગોવા જતો રહ્યો છે અને ત્યાં બોલિવૂડ એક્ટ્રેસ મિનીષા લાંબા સાથે વેકેશન માણી રહ્યો છે.ક્રિસ ગેઇલ ગોવા પહોંચ્યો છે અને તે મિનીષા લાંબા સાથે ટક્કર લેવાની તૈયારી કરી રહ્યો છે. 

ગેઇલ અને મિનીષા લાંબા ડેલ્ટિન પોકલ ટુનામેન્ટમાં ભાગ લેવાના છે. જ્યાં ગેઇલ મિનીષા લાંબાની સામે ઉતરશે. ગોવામાં ક્રિસ ગેઇલ ખૂબ એન્જોય કરી રહ્યો છે. તેનો એક વીડિયો વાયરલ થયો છે જેમાં તે કેટલાક લોકો સાથે ગંગનમ સ્ટાઇલ સાથે ડાન્સ કરતો પણ જોવા મળી રહ્યો છે.