અમદાવાદના ત્રણ પોલીસ કર્મચારી સામે એક કરોડ રૂપિયાની ખંડણી માંગ્યાની નોંધાઇ ફરિયાદ, જુઓ વીડિયો

અમદાવાદ ત્રણ પોલીસ કર્મચારી સામે દિયોદર પોલીસ મથકમાં ખંડણી માંગવાની ફરીયાદ નોંધવામાં આવી હતી. દિયોદરના જાલોઢા ગામના ફરિયાદી પાસેથી ખંડણી માંગી હતી. ફરિયાદીને અને તેના સંબંધીને અમદાવાદ બોલાવી ખોટા કેસમાં ફસાવી દેવાનું કહી એક કરોડ રૂપિયાની ખંડણી માંગી હોવાની ફરિયાદ દાખલ કરવામાં આવી છે. ફરિયાદીના મતે ત્રણેય પોલીસ કર્મચારીઓએ બંધક બનાવી ઢોર માર મારી ફેંકી દેવાની ધમકી આપી એક કરોડની ખંડણી માંગી હતી. બાદમાં ફરિયાદીના પિતાએ સુરતથી 10 લાખ અને દિયોદર આંગડિયા પેઢી દ્ધારા પાંચ લાખ રૂપિયા આપી બંન્નેને છોડાવ્યા હતા. દિયોદર કોર્ટે ત્રણ પોલીસ કોન્સ્ટેબલ સહિત પાંચ સામે ફરિયાદ નોંધવા હુકમ કરતા દિયોદર પોલીસ મથકે ફરિયાદ દાખલ કરવામાં આવી હતી.