UP: બહરાઇચના જંગલમાંથી મળી 'મોગલી ગર્લ', કાઢે છે વાંદરા જેવો અવાજ

બહેરાઈચ: બહેરાઈચના એક જંગલમાંથી એક બાળકી મળી આવી છે, જે જાનવરોની માફક હરકતો કરે છે અને તેમના જેવો અવાજ પણ કાઢે છે. પોલીસ જવાનોએ તેને વાંદરાઓ વચ્ચેથી કાઢીને હોસ્પિટલ પહોંચાડી છે જ્યાં તેની સારવાર થઈ રહી છે. આ છોકરી જંગલમાંથી નગ્ન અવસ્થામાં વાંદરાની વચ્ચેથી મળી આવી હતી અને લોકોને જોઈને ભાગતી હતી.

પોલીસ જંગલમાંથી આ છોકરીને બહાર લાવવાનો પ્રયાસ કર્યો તો વાંદરાઓ વિરોધ શરૂ કર્યો અને ચિલ્લાવાનું શરૂ કર્યું. આ છોકરી પણ પોલીસને જોઈને વાંદરાની માફક અવાજ કરી રહી હતી.

પોલીસના મહામહેનત બાદ આ છોકરીને ત્યાંથી બહાર કાઢીને હોસ્પિટલમાં દાખલ કરવામાં આવી. છોકરીના શરીર પર જાનવરના કરડ્યાના નિશાન પણ છે. તે ના તો લોકોની ભાષા બોલી શકે છે કે સમજી શકે છે. હાલ તેની સારવાર ચાલી રહી છે.