ઔરંગાબાદમાં ફટાકડાની 150 દુકાનોમાં લાગી ભીષણ આગ, જુઓ વીડિયો

ઔરંગાબાદમાં 150 ફટાકડાની દુકાનોમાં ભીષણ આગ લાગી હોવાના સમાચાર મળ્યા છે. આગને કારણે દૂર દૂર સુધી ધૂમાડા દેખાઈ રહ્યા છે. અત્યારે 6 ફાયર ફાયટર ઘટના સ્થળે પહોંચી ગયા છે અને આગ પર કાબૂ મેળવવાનો પ્રયાસ થઈ રહ્યો છે. ઔરંગાબાદમાં આવેલા નિરાલા બજારા વિસ્તારમાં આવેલી ફટાકડા બજારમાં આગ લાગી છે.

એક દુકાનમાં કોઈ કારસણસર આગ લાગી હતી. આ પછી દુકાનમાં રહેલા ફટાકડાને કારણે આજુબાજુની દુકાનો પણ ઝપટમાં આવી ગીઈ હતી. જોકે, હજુ સુધી આ ઘટનામાં કોઈ જાનહાનિના સમાચાર મળ્યા નથી. ઘટનાસ્થળે લોકોના ટોળેટોળા ઉમટી પડ્યા છે. આ આગને કારણે ફટાકડાના વેપારીઓને મોટું નુકસાન થયું છે.