અમદાવાદઃ વસ્ત્રાલના પાર્ટી પ્લોટમાં ફાયરિંગ, લકી ડ્રોના કાર્યક્રમમાં થઇ ધમાધમ

અમદાવાદના વસ્ત્રાલ વિસ્તારમાં એક પાર્ટી પ્લોટમાં હવામાં ખાનગી ફાયરિંગ થયું હોવાનો વિડીયો વાયરલ થયો છે. 26મી માર્ચે વસ્ત્રાલના ભરત પાર્ટી પ્લોટમાં હિમગીરી ઇન્ફ્રાસ્ટ્રક્ચરનો લકી ડ્રોનો કાર્યક્રમ હતો. જેમાં એક યુવક દ્વારા હવામાં બે રાઉન્ડ ફાયરિંગ કરાયું હતું. ફાયરિંગ કરનાર નિવૃત્ત આર્મી મેન હોવાની વાત પણ ચર્ચાએ ચઢી છે. લકી ડ્રોના આ કાર્યક્રમમાં બનેલી ઘટના અંગે આયોજકે બચાવમાં જણાવ્યું કે એરગનથી ફાયરિંગ કરાયુ હતું.. બીજીતરફ પોલીસને પણ આ બાબતની જાણ થઇ નથી અને પોલીસે જણાવ્યું કે તથ્ય હશે તો આ ઘટનાને લઇને કાયદેસરની કાર્યવાહી કરાશે.