જૂનાગઢના જંગલમાં પાંચ યુવકોએ સિંહ પાછળ દોડાવી કાર, જાણો પછી શું થયું?

વિસાવદર: સિંહની પાછળ ગાડી દોડાવીને વિકૃત પજવણી કરવામાં આવી હોવાનો વીડિયો સોશિયલ મીડિયામાં વાયરલ થયા પછી વન વિભાગે આ પજવણી કરનારાઓની ધરપકડ કરી છે. ભાવનગરના દવાના ધંધા સાથે સંકળાયેલા ચાર અને એક બદકના શખ્સનું નામ ખુલ્યું હતું. ગત તા.16 ના રોજ વિસાવદર-કનકાઇ રોડ પર બદક ગામ નજીક એક બળદનું મૃત્યુ થયા બાદ તેને આરોગવા માટે બે સિંહો આવ્યા હતા. જેથી બદકના લીલા માલદે રાણાવીયા મેર (ઉ.વ20) તા.17ના રોજ પોતાના નિશાન માઇક્રા નામની ફોર વ્હીલ જી.જે.04.બી.ઇ.8647 નંબરની ગાડીમાં ઉત્પલ પંડ્યા, દેવાંગ અંધારીયા, અને બ્રિજેશ જોષી નામના શખ્સો વિસાવદરના બદક ગામ નજીક લીલા માલદે મેરની વાડીના સામે પડતર જમીનમાં બે સિંહો બળદનું મારણ આરોગી રહેલા સિંહો લોકોના ટોળાથી ભાગી જઇ બદક-કનકાઇ રોડ પર બન્ને સિંહો જઇ રહ્યા હતા. તેવામાં ભાવનગરના ચાર અને બદકનો સ્થાનિક લીલો મેર ગાડીમાં બેસી સિંહની પાછળ ગાડી દોડાવી હતી.