રાજકોટઃ ધોળા દિવસે રસ્તા પર મહિલાના વાળ ખેંચી માર્યો માર, વીડિયો થયો વાયરલ

રાજકોટઃ રાજકોટમાં ધોળા દિવસે  એક મહિલાને જાહેરમાં માર મારતો પુરુષનો વીડિયો વાયરલ થયો છે. ઘટના શહેરના ગાયત્રી નગર મેઇન રોડની છે. જ્યાં એક પુરુષ મહિલાના વાળ ખેંચી લાફા મારતો જોવા મળી રહ્યો છે.

મળતી વિગતો અનુસાર, હાલમાં શહેરમાં સોશિયલ મીડિયા પર એક વીડિયો વાયરલ થયો છે જેમાં એક પુરુષ મહિલાના વાળ ખેંચી ધોળા દિવસે માર મારતો રસ્તે ચાલતો જોઇ શકાય છે. જોકે આ દરમિયાન એક મહિલા પીડિત મહિલાની મદદે આવે છે.

મહિલા રોતી રોતી ચાલી રહી છે અને પુરુષ તેને માર મારી રહ્યો છે. મહિલાની ધોલાઈ કરનાર વ્યક્તિ નશામાં હોવાનું જણાય છે. મિનિટો સુધી પુરુષ મહિલાને મારતો રહે છે પણ કોઇ બચાવમાં આવતું નથી અંતે એક મહિલા પીડિત મહિલાના બચાવમાં આવે છે. જોકે, પુરુષ ક્યાં કારણોસર મહિલાને મારે છે તે જાણી શકાયું નથી.