Hun To Bolish : હું તો બોલીશ : આ નબીરાઓને કોઈ નહીં રોકે !

અમદાવાદ પોલીસની પકડમાં ઉભો આ નશેડી મહાશય છે મહેસાણા શહેર ભાજપના પૂર્વ પ્રમુખ ઉદય વોરાનો પુત્ર પરમ વોરા. દારૂ પીને આ ભાઈએ અકસ્માત સર્જ્યો. ગત 23 નવેમ્બરે ડૉક્ટર્સનું એક ગ્રુપ અમદાવાદના S.G. હાઈવે પર સાઈકલિંગ કરી રહ્યું હતું. વહેલી સવારે તેઓ એસ.જી. હાઈવેના હાઈકોર્ટ ઓવરબ્રિજ પર સાઇકલ પર પસાર થઈ રહ્યા હતા. ત્યારે અચાનક પાછળથી પૂરપાટ ઝડપે આવતી કારે ડોક્ટર અનિશ તિવારી અને ડૉક્ટર ક્રિષ્નાબેન શુક્લાને ટક્કર મારી. ડોક્ટર અનિશને ટક્કર વાગતાં તેઓ સાઇકલ પરથી નીચે પડી ગયા જ્યારે મહિલા ડોક્ટર ક્રિષ્નાબેન બેભાન થઈ ગયા. ત્યારબાદ આ નફફટ નબીરો ઉભો પણ રહ્યો અને ટક્કર મારીને નાસી ગયો. આ મુદ્દે ફરિયાદ નોંધાતા પોલીસે 100થી વધુ CCTVના ફૂટેજ ચકાસ્યા. જેમાં ખુલ્યું કે, પરમ વસ્ત્રાપુરની એક સોસાયટીમાંથી તેના મિત્રો સાથે નીકળ્યો હતો. પરમ અને તેના મિત્રો નશાની હાલતમાં દેખાયા. પોલીસ કારના નંબર અને મોબાઈલ ડિટેલ્સના આધારે તેના સુધી પહોંચી. પરમે પણ કબૂલ્યું કે, તેણે નશો કર્યો હતો.. અકસ્માત સર્જી તે ઉદયપુર ભાગી ગયો હતો. જો કે, આ મહાશયની શાન ઠેકાણે આવી છે..બે હાથ જોડી માફી માંગી.