જામનગરમાં યુવકની હત્યાઃ મોત પહેલાં યુવકે ઊભા થઈને માગી મદદ, લોકો તમાશો જોતા રહ્યા, જુઓ વીડિયો

જામનગરઃ શહેરના ગોકુલ નગર વિસ્તારમાં એક યુવકની જાહેરમાં હત્યા કરી નાંખવામાં આવી છે. આ ઘટનાનો વીડિયો સામે આવતાં અરેરાટી વ્યાપી ગઈ છે. યુવકની જાહેરમાં જ છરી અને પથ્થરના ઘા મારી હત્યા કરી નાંખી હતી. આ પિતા-પુત્રએ લોકોની સામે જ હત્યા કરી હતી. જોકે, તેમની મદદે કોઈ નહોતું આવ્યું. એટલું જ નહીં, લોકોની માનવતા એટલી મરી ગઈ હતી કે, યુવક પર જીવલેણ હુમલો કરાયો પછી તે મદદ માટે કરગરી રહ્યો હતો, પરંતુ કોઈ મદદે આવ્યું નહોતું. બીજી તરફ લોકો માનવતા નેવે મૂકીને વીડિયો ઉતારતા રહ્યા હતા. વીડિયોમાં જુઓ કેવી રીતે લોકો ભૂલ્યા માનવતાં?