અમદાવાદઃ ભારતીય ક્રિકેટર જસપ્રીત બુમરાહના દાદાનો મૃતદેહ મળ્યો, જુઓ વીડિયો

અમદાવાદ: ભારતીય ક્રિકેટર જશપ્રિત બુમરાહના દાદા  સંતોકસિંગ ઉત્તમસિંગ બુમરાહ બે દિવસ પહેલા ઘર છોડીને જતા રહ્યા હતા.  સંતોખસિંહ પૌત્રને મળવા 1 ડિસેમ્બરે ઉત્તરાખંડથી અમદાવાદ આવ્યા હતા. પરંતુ પૌત્રને ન મળી શકતા તેઓ ગુમ થયા હતા. બુમરાહના દાદાને પોલીસ શોધી રહી હતી. આજે સવારે સંતોખસિંહની સાબરમતીમાંથી લાશ મળી હતી. 

સંતોખસિંગ 8 દિવસ સુધી વસ્ત્રાપુર સંજીવની હોસ્પિટલ સામેના સોનલ એપાર્ટમેન્ટમાં દીકરી રજીન્દ્રરકોર સાથે રહ્યા હતા. આ દરમિયાનમાં તેમણે અવાર નવાર જશપ્રિતની માતા દલજીતકોરને મળીને પૌત્રને મળવાની અને મરતા પહેલા એક વખત જોવાની ઇચ્છા વ્યક્ત કરી હતી. દલજીતકોરે તેમને જશપ્રિતને મળવા દીધા ન હતા તેમજ ફોન ઉપર પણ વાત કરવા દીધી ન હતી. એ વાતનું મનમાં લાગી આવતા શુક્રવારે બપોરે ક્યાંક જતા રહ્યા હતા.