મુંબઈઃ હવસખોરથી બચવા 12 વર્ષની છોકરીએ બિલ્ડિંગ પરથી લગાવ્યો કૂદકો, જુઓ વીડિયો

મુંબઈઃ નાલાસોપારા વિસ્તારમાં આવેલી ચાર માળની બિલ્ડિંગ પરથી 12 વર્ષીય બાળકી કૂદી જતાં ચકચાર મચી ગઈ છે. હવસખોરથી બચવા માટે સગીરાએ બિલ્ડિંગના ચોથા માળેથી કૂદકો મારી દીધો હતો. જોકે, નીચે ઉભેલા લોકોએ પહેલાથી કપડાની જાળી બનાવેલી હોવાથી તે બચી ગઈ હતી, પરંતુ તેના પીઠના ભાગે ફ્રેક્ચર થતાં તેને હોસ્પિટલ ખસેડવામાં આવી હતી. પોલીસે અજાણ્યા શખ્સ સામે પોક્સો, અપહરણ અને છેડતીની ફરિયાદ દાખલ કરી વધુ તપાસ હાથ ધરી છે. પોલીસ સીસીટીવી ફૂટેજને આધારે નરાધમને ઓળખવાનો પ્રયાસ કરી રહી છે.