140ની ઝડપે ફૂંકાતા પવનમાં સાઈકલ સાથે ફંટાયો યુવક, રેલિંગ પકડીને ઊભા રહ્યા લોકો, જુઓ Video

ઉત્તર યુરોપમાં ગુરુવારે ભારે તોફાનને કારણે હાઈ એલર્ટ આપવામાં આવ્યું હતું. ભારે પવનને કારણે લોકો એક જગ્યાએ ઊભા પણ રહી શકતા નથી. સોશિયલ મીડિયા પર રૂંવાડાં ઊભાં કરી દેતા ઘણા વીડિયો વાઇરલ થયા છે. નેધરલેન્ડના હેગ શહેરના એક વીડિયોમાં સાઇકલ લઈ જઈ રહેલો યુવક લગભગ 140ની ઝડપે ફૂંકાતા પવનમાં ફંગાળાઈ જાય છે. રસ્તાની બીજી તરફ રેલિંગ ન હોત તો તે ગંભીર રીતે ઘાયલ થયો હોત. સાઇકલ ચલાવતી વ્યક્તિ સાથે અન્ય લોકો પણ રેલિંગ પકડીને પોતાને બચાવી રહ્યા છે. તો કેટલાક લોકો ટ્રાફિક સિગ્નલના થાંભલા પકડી ઊભા છે.