ગાંધીનગરઃ ખેડૂતોના સમર્થનમાં કોગ્રેસના ધરણા, કોગ્રેસ પ્રદેશ પ્રમુખ અમિત ચાવડાની અટકાયત

કેન્દ્ર સરકારના ત્રણ કૃષિ કાયદાના વિરોધમાં 50 દિવસથી ખેડૂતો દિલ્હીની બોર્ડર પર વિરોધ પ્રદર્શન કરી રહ્યા છે. આ દરમિયાન કૃષિ કાયદાના વિરોધ માટે કોંગ્રેસ પણ આક્રમક મુડમાં આવી છે. ગાંધીનગરમાં કોંગ્રેસે રાજભવનનો ઘેરાવ કરવાનું નક્કી કર્યુ હતું. જોકે કોંગ્રેસના નેતાઓ આમ કરે તે પહેલા જ તેમની અટકાયત કરવામાં આવી હતી. વિપક્ષ નેતા પરેશ ધાનાણી, પ્રદેશ પ્રમુખ અમિત ચાવડા, હાર્દિક પટેલ સહિત અનેક નેતા, કાર્યકર્તાની અટકાયત કરવામાં આવી હતી.