Amreli News: ભાજપ શાસિત અમરેલી ન.પા.માં ભડકો, પાલિકા પ્રમુખ સામે ભાજપના જ સભ્યોએ કરી અવિશ્વાસની દરખાસ્ત

ભાજપ શાસિત અમરેલી નગરપાલિકાના પ્રમુખ સામે ભાજપના જ સદસ્યોએ કરી અવિશ્વાસની દરખાસ્ત. આવશ્યક સેવાઓ સિવાયના તમામ ખર્ચ અટકાવી દેવા રજૂઆત.

ભાજપ શાસિત અમરેલી નગરપાલિકામાં ભડકો. પાલિકા પ્રમુખ સામે ભાજપના જ સભ્યોએ કરી અવિશ્વાસની દરખાસ્ત. અમરેલી નગરપાલિકાના પૂર્વ પ્રમુખ અને વર્તમાન સભ્ય કાળુભાઈ પાનસૂરિયાની આગેવાનીમાં ભાજપના સભ્યોએ પાલિકા પ્રમુખ બિપિનભાઈ લીંબાણી સામે અવિશ્વાસની દરખાસ્ત કરી. કાળુભાઈ પાનસૂરિયાએ આરોપ લગાવ્યો કે, પાલિકા પ્રમુખ મનમાની કરીને નિર્ણય લે છે. અગાઉ બોલાવવામાં આવેલી સામાન્ય સભા કોઈ કારણ વગર જ રદ કરી દીધી હતી. નગરપાલિકામાં આવશ્યક સેવાઓ સિવાયના તમામ ખર્ચ અટકાવી દેવા માટે રજૂઆત કરાઈ. અમરેલી નગરપાલિકામાં ભાજપ વિરુદ્ધ ભાજપની જ લડાઈ શરૂ થતાં આગામી દિવસોમાં નવાજૂની થવાની પૂરેપૂરી શક્યતા છે.