Breaking News: ઓનલાઈન વિટામીનની કેપ્સુલ મંગાવીને ખાતા હોવ તો ચેતી જજો.. જુઓ શું થયું આ વીડિયોમાં

ડો. બર્ગ કંપનીની વિટામીન D-3 અને K2 કેપ્સ્યુલમાં વિટામીન નહિ પરંતુ સ્ટાર્ચ નીકળે છે. આ ફરિયાદની તપાસ અમદાવાદ ક્રાઇમ બ્રાંચે કરી હતી. તપાસમાં એવી ચોંકાવનારી વિગત ખૂલી છે કે કેપ્સ્યુલમાં સ્ટાર્ચની હાજરી મળી છે. જે પાચન તંત્ર અને આંતરડાને ભારે નુકસાન કરી શકે છે. આ તથ્યોના આધારે અમદાવાદ ક્રાઇમ બ્રાંચે ફરિયાદ નોંધી તપાસ શરૂ કરી છે. ઉલ્લેખનીય છે કે પખવાડિયા પહેલા સરકારના આરોગ્ય વિભાગ દ્વારા પણ 53 દવાઓને અયોગ્ય ઠેરવવામાં આવી હતી. ક્રાઇમ બ્રાંચની ટીમે આ દવાની તપાસ માટે જે-તે એક્સપર્ટસ અને એફએસએલની મદદ લીધી હતી.

નાગરિકોના આરોગ્ય સાથે ચેડાં કરતી આ સમગ્ર ઘટના અંગે અમદાવાદ શહેર ક્રાઇમ બ્રાન્ચના ઇન્સ્પેક્ટર એસ.જે. જાડેજાએ ડીસીબી પોલીસ સ્ટેશનમાં ફરિયાદ નોંધાવી છે. જેમાં પોલીસને એવી વિગતો મળી હતી કે ઓનલાઇન શોપિંગ એપ્લિકેશન એમેઝોન પર ડો. બર્ગ કંપનીની વિટામીન D-3 અને K2ની કેપ્સ્યુલમાં જાહેરાત તેમજ લેબલ ઉપર દર્શાવવામાં આવેલ કન્ટેન્ટના બદલે અન્ય કોઇ પદાર્થ ભરી ગ્રાહકો પાસેથી પૂરી રકમ મેળવી છેતરપિંડી કરી ગ્રાહકોના સ્વાસ્થને નુકસાન થાય તેવું કૃત્ય કરવામાં આવી રહ્યું છે.