નડિયાદ કોવિડ હોસ્પિટલમાં 24 કલાકમાં 10,500 લીટર ઓક્સિજનનો વપરાશ

કોરોના સતત વધી રહેલા સંક્રમણથી નડિયાદની સિવિલ હોસ્પિટલમાં ઓક્સિજનનો વપરાશ વધ્યો છે. કોવિડ હોસ્પિટલોમાં છેલ્લા 24 કલાકમાં 10 હજાર 500 લીટર ઓક્સિજનનો વપરાશ થયો છે. વપરાશ વધતા ઓક્સિજનના સિલિન્ડરના બદલે એક હજાર 750 લીટરની 6 ટાંકીનો ઉપયોગ કરવામાં આવી રહ્યો છે. નડિયાદની કોવિડ હોસ્પિટલમાં હાલ 152 દર્દીઓ કોરોનાની સારવાર મેળવી રહ્યા છે. 152માંથી 128 દર્દીઓને ઓક્સિજનની જરૂર પડી રહી છે.