Ambaji Accident News | અંબાજી નજીક ત્રિશુલિયા ઘાટ પર એક ભયાનક ત્રિપલ અકસ્માત, 28થી વધુ લોકો ઈજાગ્રસ્ત
બનાસકાંઠાના અંબાજી નજીક આવેલી ત્રિશુલિયા ઘાટી પર આજે એક ભયાનક ત્રિપલ અકસ્માત સર્જાયો હતો. એક લક્ઝરી બસ, કાર અને જીપ વચ્ચે થયેલા આ અકસ્માતમાં 32 લોકો ઘાયલ થયા છે.
પ્રાપ્ત માહિતી મુજબ, અંજારના ભક્તો અંબાજી ખાતે દર્શન કરીને પરત ફરી રહ્યા હતા ત્યારે આ દુર્ઘટના સર્જાઈ હતી. બસમાં કુલ 28 મુસાફરો સવાર હતા. પ્રાથમિક તપાસમાં બસની બ્રેક ફેઈલ થવાનું કારણ સામે આવ્યું છે.
ઘટનાની જાણ થતાં તાત્કાલિક 4 જેટલી 108 એમ્બ્યુલન્સ ઘટનાસ્થળે પહોંચી હતી અને ઘાયલોને સારવાર માટે દાંતા રેફરલ હોસ્પિટલ ખસેડવામાં આવ્યા હતા. વધુ સારવારની જરૂરિયાત ધરાવતા 6 ગંભીર ઈજાગ્રસ્તોને પાલનપુર ખાતે રીફર કરવામાં આવ્યા છે. હાલ સુધી કોઈ જાનહાનિના સમાચાર નથી.
ઉલ્લેખનીય છે કે, ત્રિશુલિયા ઘાટી અકસ્માતનું હૉટસ્પૉટ માનવામાં આવે છે. ગત 7 ઓક્ટોબરે પણ અહીં થયેલા અકસ્માતમાં 4 લોકોના મોત નિપજ્યા હતા. સ્થાનિકોના જણાવ્યા મુજબ આ વિસ્તારમાં વારંવાર અકસ્માતની ઘટનાઓ બનતી રહે છે.