Khyati Hospital Scam: ઓપરેશન કાંડના આરોપીના ઘરેથી મળી ચોંકાવનારી વસ્તુઓ, જુઓ મોટા સમાચાર

ખ્યાતિ હોસ્પિટલ કાંડ મામલે ક્રાઈમ બ્રાન્ચની ટીમ ગુરુવારે કાર્તિક પટેલના ઘરે સિંધુ ભવન સ્થિત અભિશ્રી રેસીડેન્સી ખાતે પહોંચી હતી. સાથે જ  અન્ય ફરાર આરોપીઓના ઘરે સર્ચ ઓપરેશન હાથ ધરવામાં આવ્યું છે. ફરિયાદ બાદ માત્ર એક આરોપી ડોક્ટર પ્રશાંતની ધરપકડ કરી આખાય કાંડનો ટોપલો તેના પર ઢોળી ફાઉન્ડર કાર્તિક પટેલ ઓસ્ટ્રેલિયા ફરાર થઈ ચૂક્યા છે. સાથે જ આ કેસમાં અન્ય આરોપી રાજપૂતના ઘરેથી પણ મોટા પ્રમાણમાં દારૂનો જથ્થો મળી આવ્યો હોવાનું સામે આવ્યું છે.

બીજી તરફ આખાય કેસમાં દોષનો ટોપલો ઢોળી દેવાતો હોય તેવું લાગતા ક્રાઈમ બ્રાન્ચની ટીમે હવે ફરાર આરોપીઓને ઘરે સર્ચ ઓપરેશન શરૂ કર્યું છે. ગુરુવારે કાર્તિક પટેલના ઘરે તપાસ માટે પહોંચેલી ક્રાઈમ બ્રાન્ચની ટીમને ઘર બંધ હોવાનું કહેવાયું. જોકે બાદમાં પોલીસે કોર્ટ ઓર્ડર બતાવતા કાર્તિક પટેલના ઘરે તપાસ શરૂ કરવામાં આવી.