શામળાજી મંદિરમાં વાવ પર ઉભા રહી ફોટો પડાવતી હતી મહિલા, પગ લપસતા વાવમાં પડી, જુઓ વીડિયો

અરવલ્લીના શામળાજી મંદિર પરિસરમાં આવેલી વાવમાં પડતા મહિલાનું મોત થયું હતું. એક મહિલા વાવ પર રહેલા પથ્થરો પર ઉભા રહીને ફોટો પડાવવાનો પ્રયાસ કરી રહી હતી તે દરમિયાન મહિલાનો પગ લપસી જતા વાવમાં પટકાઇ હતી. મહિલા વાવમાં પટકાતા તેના માથાના ભાગે ગંભીર ઈજા થતા તેમનું મોત થયું  હતું. પ્રાથમિક માહિતી પ્રમાણે ભરૂચનો પરિવાર શામળાજીમાં દર્શન માટે આવ્યો હતો. જો કે હાલ તો શામળાજી પોલીસે સમગ્ર મામલે તપાસ હાથ ધરી હતી.