24 કલાક લગી બે રાજ્યમાં રઝળ્યા છતાં બેડ ના મળતાં યુવકે કહ્યું, યા બેડ દો યા પાપા કો ઈંજેક્શન દેકે માર ડાલો......

કોરોના વાયરસે (Coronavirus) દેશભરમાં તાંડવ કરવાનું શરૂ કર્યું છે. આજે ભારતમાં પ્રથમ વખત દૈનિક કેસની સંખ્યા બે લાખને પાર (Corona Cases in India) પહોંચી ગઈ છે. દેશમાં સૌથી ખરાબ હાલત મહારાષ્ટ્ર(Maharashtra Corona Cases) ની છે. આ દરમિયાન ચંદ્રપુરના એક યુવકનો કિસ્સો સામે આવ્યો છે. જેમાં તેણે કોરોનાથી ઝઝૂમી રહેલા તેના પિતાની સારવાર માટે મહારાષ્ટ્ર અને તેલંગાણાની અનેક હોસ્પિટલના ચક્કર કાપ્યા પરંતુ કયાંયથી મદદ ન મળી. જે બાદ તેણે એટલું જ કહ્યું કે, મારા પિતાને બેડ આપો અથવા ઈંજેક્શન આપીને મારી નાંખો.