હું તો બોલીશ: ભાજપના નેતાની પૌત્રીની સગાઈમાં સોશિયલ ડિસ્ટન્સનો સત્યાનાશ

તાપી જિલ્લામાં ચકચાર મચાવે તેવી ઘટના બની છે. ભાજપ નેતા અને પૂર્વ આદિજાતિ મંત્રી કાંતિ ગામિત ના પૌત્રી  ના સગાઈના વિડીયો વાયરલ  થયા છે. મોટી સંખ્યા માં લોકો ગરબા અને નાચતા જોવા મળી રહ્યાં છે. કોરોના મહામારીમાં સામાજિક અંતર ના ધજાગરા ઉડતા નજરે પડી રહ્યું છે.  ભાજપ નેતાએ કોરોનાની ગાઈડ લાઇન નો છડે ચોક ભંગ કર્યો છે, તેમની પૌત્રી ની સગાઈમાં હજારોની જનમેદની જમા થઈ જતા કોરોનાની ગાઈડલાઈન નો છડે ચોક ભંગ થયો હતો .જે અંગે મીડિયા દ્વારા સવાલો કરાતા કાંતિભાઈ ગામીતે ભૂલ થઈ હોવાનું સ્વીકાર્યું હતું.