Rajkot ની આ સ્કૂલની વાલીઓને નોટિસ, વિદ્યાર્થીઓને સ્કૂલમાંથી કાઢી મુકવાની અપાઇ ધમકી

રાજકોટની મોદી સ્કૂલની વધુ એક મનમાની સામે આવી છે. સ્કૂલના સંચાલકોએ વાલીને 20 પાનાની કારણદર્શક નોટિસ ફટકારી છે.શહેરની અંબિકા ટાઉનશિપ સ્થિત સ્કૂલમાં ભણતા વિદ્યાર્થીના વાલીને આ નોટિસ આપવામાં આવી છે. જેમાં ઉલ્લેખ કરવામાં આવ્યો છે કે વાલીઓ સ્કૂલ સામે આંદોલન કરે છે. તેમજ સ્કૂલ વિરુદ્ધ અન્ય વાલીઓને ઉશ્કેરવામાં આવી રહ્યા છે. સોશિયલ મીડિયામાં અન્ય વાલીઓ સમક્ષ શાળાની છબી ખરાબ કરવામાં આવી રહી હોવાનો આરોપ પણ સ્કૂલના સંચાલકોએ વાલી પર લગાવ્યો છે. જો સાત દિવસમાં નોટિસનો જવાબ આપવામાં નહીં આવે તો સંતાનોને સ્કૂલમાંથી કાઢી મુકવાની ધમકી પણ મોદી સ્કૂલના સંચાલકોએ આપી છે