સૌરાષ્ટ્ર યુનિવર્સિટીમાં 4 સેમેસ્ટર ક્લિયર હશે તો જ પાંચમા સેમેસ્ટરમાં પ્રવેશ મળશે, જુઓ વીડિયો

સૌરાષ્ટ્ર યુનિવર્સિટીમાં અભ્યાસ કરતા વિદ્યાર્થીને એકથી ચાર સેમેસ્ટરમાં એટીકેટી હશે તો સેમેસ્ટર 5માં પ્રવેશ નહીં મળે. આ પરિપત્રની અમલવારી સૌરાષ્ટ્ર યુનિવર્સિટી તેમજ સંલગ્ન કોલેજોમાં શરૂ થઈ છે. આમ તો આ પરિપત્ર યુજીસી વર્ષ 2015માં બહાર પાડવામાં આવ્યો હતો પરંતુ હવે આ પરિપત્રની અમલવારી સૌરાષ્ટ્ર યુનિવર્સિટી અને સંલગ્ન કોલેજમાં શરુ કરવામાં આવી છે. નવા પરિપત્રની અમલવારી કરવામાં આવતા NSUIના આગેવાનોએ વિરોધ કર્યો હતો. NSUIના આગેવાનોએ સૌરાષ્ટ્ર યુનિવર્સિટીના કુલપતિની ચેમ્બરમાં ધરણાં પ્રદર્શન કરી રામધૂન બોલાવી હતી. જે બાદ વિરોધ પ્રદર્શન કરતા કાર્યકરોની અટકાયત કરવામાં આવી હતી..