Rajkot: RMCના પૂર્વ એન્જિનિયર અલ્પના મિત્રાના ઘરે વિજિલન્સના દરોડા, મળી આવી ફાઇલો
Download ABP Live App and Watch All Latest Videos
View In AppRajkot: રાજકોટ મહાનગરપાલિકાના પૂર્વ સિટી એન્જિનિયર અલ્પના મિત્રાના ઘરે વિજિલન્સની ટીમે દરોડા પાડ્યા હતા. મળતી જાણકારી અનુસાર, RMCના પૂર્વ સિટી એન્જિનિયર અલ્પના મિત્રાના ઘરે વિજિલન્સની ટીમે તપાસ હાથ ધરી હતી. અલ્પના મિત્રાના ઘરેથી મોટી સંખ્યામાં દસ્તાવેજો મળી આવ્યા હતા. આ તમામ દસ્તાવેજો લઇને વિજિલન્સની ટીમ રવાના થઇ હતી. આ તમામ દસ્તાવેજોની તપાસ કરવામાં આવશે. બીજી તર અલ્પના મિત્રાએ મીડિયા સમક્ષ દાવો કર્યો હતો કે કોઇ અજાણી વ્યક્તિ મારા ઘરે મનપાની ફાઇલ મુકી ગયું હતું. પોટલામાં ક્યા વિભાગોની ફાઇલો છે તેની તેને કોઇ જાણકારી નથી.
કાલાવડ રોડ પર પૉશ વિસ્તારમાં રહેતા અલ્પના મિત્રા અગાઉ પણ વિવાદમાં આવી ચૂક્યા છે. આવાસ યોજના કૌભાંડમાં અલ્પના મિત્રાનું નામ ખુલ્યું હતું. જો કે ઘરેથી કોર્પોરેશનની ફાઈલો મળી આવવાના મામલે અલ્પના મિત્રાએ દાવો કર્યો હતો કે કોઈ અજાણી વ્યક્તિ મારા ઘરે આવીને કોર્પોરેશનની ફાઈલ મૂકી ગયું હતું. મારા ઘરે માત્ર મારા સાસુ હાજર હતા. ત્યારે કોઈ અજાણ્યા વ્યક્તિઓ કોર્પોરેશનની ફાઈલો મુકી ગયા હતા. પોટલામાં ક્યા વિભાગોની ફાઇલો છે તે અંગે તેને કોઇ જાણકારી નથી.