IPL પર સટ્ટો રમતા લોકો પર પોલીસની મોટી કાર્યવાહી

સુરત: આઇપીએલ પર સટ્ટો રમતાં લોકો પર ઉમરા પોલીસે કાર્યવાહી કરી છે. પીપલોદ ખાતેના ફ્લેટમાં સટ્ટો રમતાં ચાર લોકોની ધરપકડ કરી છે. લેપટોપ, મોબાઈલ અને રોકડ સહિત કુલ 1.95 લાખનો મુદ્દામાલ જપ્ત કરવામાં આવ્યો છે. આઇપીએલ પર ઓનલાઇન સટ્ટો રમાડવામાં આવી રહ્યો હતો. આઈડી અને પાસવર્ડના આધારે સટ્ટો રમાડતા હતા. 6 જેટલાં સૂત્રધાર બુકીઓને વોન્ટેડ જાહેર કરાયા છે. આ બુકીઓ મોરબી, ખંભાત, હૈદરાબાદ, પાટણ, ભાવનગર અને સિદ્ધપુરના હોવાની વાત સામે આવી છે.