સુરતઃ બે યુવકોએ સગીરાને રીક્ષામાં બેસાડીને ભગાડવાનો કર્યો પ્રયાસ, સગીરાએ કરી બૂમાબૂમ, જાણો પછી શું થયું?

સુરતના ડીંડોલી વિસ્તારમાં એક કિશોરીને ઓટો રીક્ષામાં બેસાડી ભગાડી લઇ જવાનો પ્રાયસ કરતા બે શખ્સોની જાહેરમાં લોકોએ ધોલાઇ કરી હતી. લોકોનો રોષ પારખી ગયેલા બંને શખ્સોએ ભાગવાનો પ્રયાસ  કરતા ટોળાએ દંડા અને બેટ વડે બંને પર તૂટી પડ્યા હતા. જો કે સુરતની ડીંડોલી પોલીસની પીસીઆર સમયસર ઘટના સ્થળે પહોંચી જતા બંનેની અટકાયત કરી પોલિસ મથકે લઇ ગઈ હતી

કૌશિક સભાયા અને રાજ બળવંત જોશી નામના યુવકોએ ઓટો રીક્ષામાં કિશોરીને ભગાડી જવાનો પ્રયાસ કર્યો હતો. જે અંગે કિશોરીએ બુમાબુમ કરી દેતા આ ઘટના લોકોના ધ્યાને આવી હતી. સોમવાર ના રોજ સુરતના ડીંડોલી વિસ્તારમાં બનેલી આ ઘટના હાલ ચર્ચાનો વિષય બન્યો છે. કિશોરીને ભગાડી જવાનો પ્રયાસ કરનાર પર જે આવે તે લોકોએ હાથ,દંડા તેમજ બેટ વડે હુમલો કરી બરોબરનો મેથીપાક ચખાડ્યો હતો. હાલ બંને શખ્સો વિરુદ્ધ પોલિસે અપહરણ સહિત બળાત્કાકાર ફરિયાદ નોંધી તપાસ આદરી છે.