ઇઝરાયલના PM અને મોદી ઉત્તરાયણમાં અમદાવાદમાં ઉડાડશે પતંગ, જુઓ વીડિયો

અમદાવાદઃ વડાપ્રધાન નરેન્દ્ર મોદી અને ઇઝરાયેલના વડાપ્રધાન બેન્જામિન નેતન્યાહુ  આગામી 13-14 જાન્યુઆરીના રોજ અમદાવાદ ખાતે યોજાનારા ઇન્ટરનેશનલ કાઇટ ફેસ્ટિવલમાં હાજરી આપશે. વડાપ્રધાન નરેન્દ્ર મોદી ઇઝરાયેલના વડાપ્રધાન બેન્જામિન નેતન્યાહુ અને ઇઝરાઇલી ડેલિગેશનને અમદાવાદ ખાતે આવકારશે. ઉલ્લેખનીય છે કે વડાપ્રધાન મોદી આ અગાઉ ચીનના રાષ્ટ્રપતિ અને જાપાનના વડાપ્રધાનનું ગુજરાતમાં સ્વાગત કરી ચૂક્યા છે.

 

એક અધિકારીએ જણાવ્યું હતું કે, સાબરમતી રિવરફ્રન્ટ પર દર વર્ષે યોજાતા ઇન્ટરનેશનલ કાઇટ ફેસ્ટિવલની બંન્ને નેતાઓ મુલાકાત લઇ શકે છે. બાદમાં તેઓ જૂનાગઢમાં સિંહ દર્શનાર્થે પણ જઇ શકે છે. તેમજ  કચ્છ ખાતે આવેલ એગ્રિકલ્ચર સેન્ટર ઓફ એકસેલન્સની પણ મુલાકાત લઇ શકે છે.