ગાંધીનગરઃ હાઇ-પ્રોફાઇલ હુક્કાબાર પર પોલીસે પાડી રેડ, ઓશિકાથી મોં સંતાડતી જોવા મળી યુવતીઓ

ગાંધીનગરઃ પોલીસના દરોડામાં ગાંધીનગર શહેર પાસેનાં કોબા વિસ્તારમાંથી હાઇ પ્રોફાઇલ હુક્કાબાર ઝડપાયો હતો.  શામીયાણા અનડીસ્વર રેસીપી નામની રેસ્ટોરન્ટમાં જ હુક્કાનાં શોખીનો માટે  હુક્કાબાર ચલાવવામાં આવતો હતો. ગાંધીનગર એલસીબીની ટીમે માહિતીના આધારે રેડ પાડી ત્યારે 45 યુવક યુવતીઓ હુક્કાનો દમ મારી રહ્યા હતા. પોલીસ દ્વારા હુક્કા તથા ફ્લેવર સહિતની સામગ્રી જપ્ત કરીને અમદાવાદનાં રહેવાસી રેસ્ટોરન્ટમાં માલીક સામે ગુનો દાખલ કરવા તાજવીજ હાથ ધરી હતી.

 

ગુજરાત વિધાનસભાના ગત સત્રમાં રાજયમાં હુક્કાબાર પર પ્રતિબંધ મુકવાનુ બિલ સરકારે પસાર કર્યા બાદ રાજયપાલે પણ બિલને મંજુરી આપી હતી. ગત સપ્તાહે રાષ્ટ્રપતિ દ્વારા પણ હુક્કાબાર પર પ્રતિબંધનાં ગુજરાત સરકારનાં બિલને મંજુરી આપી દેતા સંપુર્ણ પ્રતિબંધ જાહેર કરી દેવામાં આવ્યો હતો. તેમ છતાં શામીયાણા અનડીસ્કવર રેસીપી રેસ્ટોરન્ટમાં બિન્દાસ હુક્કાબાર ધમધમી રહ્યો હતો. પોલીસના દરોડામાં 20 યુવતીઓ તથા 25 યુવાનો હુક્કાનો કશ ખેચતા જોવા મળ્યા હતા.