પોલીસની વિદ્યાર્થીઓ પર ગુંડાગરીઃ 'તમે રસ્તા પર શું ક્રાઇમ કરો છો મને ખબર છે', જુઓ વીડિયો

અમદાવાદઃ અમદાવાદના ગુજરાત યુનિવર્સિટી રોડ પર કોલેજ પુરી કરી ઘરે જઇ રહેલા અમુક વિદ્યાર્થીઓ અને પોલીસમેન વચ્ચે ઘર્ષણનો એક વીડિયો સોશિયલ મીડિયા પર વાયરલ થયો છે. અમદાવાદ મ્યુનિસિપલ કોર્પોરેશન દ્વારા યુનિવર્સિટી રોડ પર રહેલા લારી અને ગલ્લાવાળાઓના દબાણ હટાવવાની કામગીરી ચાલી રહી હતી, એ સમયે પોલીસ કર્મીઓનો કાફલો કોર્પોરેશનની મદદે આવ્યો હતો. આ સમયે કોઈ કારણસર ફરજ બજાવી રહેલ પોલીસ ઇન્સ્પેક્ટર કે.ડી.નકુમ વિદ્યાર્થીઓ પર ભડક્યા હતા. તેમજ તેમની વચ્ચે તકરાર થઈ ગઈ હતી. થોડીવારમાં તો મામલો ઉગ્ર બની ગયો હતો.