રાજકોટ: જિલેટિન સ્ટિકથી બ્લાસ્ટ કરતાં પૂજારીના ઉડી ગયા ફૂરચે ફૂરચા, જુઓ વીડિયો

રાજકોટ: માલિયાસણથી પાંચેક કિ.મી.ના અંતરે આવેલા ખેરડી ગામે બપોરે પૂજારીએ પોતાના શરીરે જિલેટિન સ્ટિક બાંધીને બ્લાસ્ટ કરીને આપઘાત કર્યો હતો. પટેલ પૂજારી બાબુભાઈ તળાવિયાના મૃતદેહને ફોરેન્સિક પીએમ માટે ખસેડવામાં આવ્યો હતો. તપાસ કરતાં પોલીસને જિલેટિન સ્ટિકને બ્લાસ્ટ કરવા ઉપયોગમાં લેવાતો વાયર મળી આવ્યો હતો. જેને લઈને પોલીસે પ્રાથમિક તારણ કાઢ્યું હતું કે પૂજારીએ શરીર પર જિલેટિન સ્ટિક બાંધીને કે કોઈ અન્ય વ્યક્તિએ તેને બાંધીને બ્લાસ્ટ કર્યો હોઈ શકે છે. અંદર કેરોસિનની વાસ આવતી હતી. પોલીસે એફએસએલ અધિકારીને જાણ કરતાં તે ઘટનાસ્થળે દોડી ગયા હતા. હનુમાન મંદિરમાં વર્ષોથી સેવા પૂજા કરતાં અને ત્‍યાં જ બાજુની રૂમમાં રહેતાં બાબુભાઇ મનજીભાઇ તળાવીયા (ઉ.વ. 45) બપોરે સાડા બારેક વાગ્‍યા આસપાસ રૂમમાં હતાં. બપોરેના સમયે જોરદાર ધડાકો થતાં ગામ લોકો મંદિર દોડી ગયા હતા.  લોકોએ પૂજારીની ઓરડીમાં જોતા તેની લાશના પડી હતી. શરીર લોહીલુહાણ હતું અને તેના છાતીના કુર્ચેકુર્ચા ઉડી ગયા હતા.