રાજકોટઃ બે માસીયાઇ ભાઈઓને સગાઓએ જ જાહેરમાં રહેંસી નાંખ્યા, જુઓ થથરાવી દે તેવો વીડિયો

રાજકોટ: ગોંડલ રોડ પર રવિવારે સવારે બે માસિયાઇ ભાઇઓ પર તેના જ સગાઓએ જ તલવાર-ધારિયા અને છરીથી હુમલો કરી પતાવી દીધા હતા. જેના લાઇવ દ્રશ્યો સામે આવ્યા છે. ફિલ્મી ઢબે થયેલી આ હત્યામાં કેટલાક શખ્સો છરીના ઘા મારી રહ્યા હોય તેવું દેખાય છે. ઘાસના થડાના મુદ્દે છેલ્લા પંદર દિવસથી કૌટુંબિક ભાઇઓ વચ્ચે તકરાર ચાલતી હતી. ગોંડલ રોડ પરના રસુલપરામાં રહેતા જેસીંગભાઇ મેરામભાઇ શિયાળિયા (ઉ.વ.45) અને તેના માસિયાઇ ભાઇ વેજાભાઇ ખીમાભાઇ અલોગતર (ઉ.વ.35)ના આ ઘટનામાં મોત થયા છે. જેસીંગભાઇના કૌટુંબિક ભાઇ મેલા વરજાંગ શિયાળિયા, ભાઇ નવઘણ વરજાંગ, લાલો ઉર્ફે વિશાલ મેલા અને કરણ ઉર્ફે ગીગો વરજાંગ તલવાર-ધારિયા અને છરી સાથે હુમલો કર્યો હતો.