સુરતઃ મહિલાએ ટ્રાફિક પોલીસ સાથે કરી ઝપાઝપી, વીડિયો વાયરલ

સુરતઃ સિટીલાઈટ રોડ પર અણુવ્રત દ્વાર પાસે મહિલાએ ટ્રાફિક પોલીસ સાથે ઝપાઝપી કરતો વીડિયો વાયરલ થયો છે. બ્રિજ નીચે એક મહિલાની ટ્રાફિક પોલીસ સાથે ઝપાઝપી સર્જાઈ હતી. અંદાજે 10થી 15 મિનિટ ચાલેલી આ ઝપાઝપી જોવા માટે મોટી સંખ્યામાં લોકો એકઠાં થઈ ગયા હતા. જેમાં લોકોએ આ ઝપાઝપીનો વીડિયો ઉતારી લીધો હતો. ટ્રાફિકને લઈને મહિલા અને અન્ય એક વ્યક્તિની ટ્રાફિક પોલીસ સાથે બબાલ થઈ હોવાનું સૂત્રએ જણાવ્યું હતું. વીડિયોમાં મહિલા પોલીસકર્મીને ધક્કો મારતા પણ નજરે પડે છે.