ચીફ ગેસ્ટ બનાવવા પર લોકો થયા ગુસ્સે, લોકોએ સ્વામી ઓમ સાથે કરી મારપીટ

મુંબઇઃ કલર્સના રિયાલિટી શો બિગ બોસની સીઝન 10માં નજર આવેલા સ્વામી ઓમ સાથે વિવાદનો જૂનો સંબંધ છે. શો ખત્મ થઇ ચૂક્યો છે પરંતુ સ્વામી ઓમ પોતાની હરકતોને કારણે વિવાદમાં રહે છે. તાજેતરમાં જ એક ઇવેન્ટમાં ચીફ ગેસ્ટ બનીને આવેલા સ્વામી ઓમની ત્યાં હાજર લોકોએ ધોલાઇ કરી હતી.

હંમેશા વિવાદોમાં રહેનારા સ્વામી ઓમ દિલ્હીના એક કાર્યક્રમમાં જવાનું મોંઘુ પડ્યું હતું. સ્વામી ઓમ દિલ્હીના વિકાસ નગરમાં નાથુરામ ગોંડસે જયંતીના એક કાર્યક્રમમાં ચીફ ગેસ્ટ બનીને પહોંચ્યા હતા. સ્વાગત માટે તેમને સ્ટેજ પર બોલાવવામાં આવ્યા કે લોકોએ તેનો વિરોધ કર્યો હતો અને તેમની સાથે મારપીટ કરી હતી.

ત્યાં હાજર લોકોએ કહ્યું કે, ગોડસે એક મહાન હસ્તી હતા અને સ્વામી ઓમને તેમના કાર્યક્રમમાં બોલાવવા તેમના અપમાન સમાન છે. કાર્યક્રમના આયોજકોએ કોઇક રીતે સ્વામી ઓમને ભીડથી બચાવીને તેમની ગાડી સુધી પહોંચાડ્યા હતા.