બનાસકાંઠાઃ યુવતીનું અપહરણ કરી હોટલમાં લઈ જઈ યુવકે ગુજાર્યો બળાત્કાર, કેવી રીતે થયો છૂટકારો?

વાવઃ વાવ તાલુકાની એક યુવતીનું અપહરણ કરીને બળાત્કાર ગુજાર્યો હોવાની ઘટના સામે આવતાં સમગ્ર વિસ્તારમાં ભારે ચકચાર મચી ગઈ છે. ત્રણ યુવકોએ યુવતીનું અપહરણ કર્યું હતું અને તેને અલગ અલગ રાજ્યોમાં ફેરવી હતી અને અહીંની હોટલોમાં તેના પર યુવકે બળાત્કાર ગુજાર્યો હતો.

આ અંગેની વિગતો એવી છે કે, વાવ તાલુકાની પ્રિયા(નામ બદલ્યું છે) એક યુવકે તેના બે મિત્રોની મદદથી અપહરણ કર્યું હતું. અપહરણ પછી યુવતીને અલગ અલગ રાજ્યોમાં ફેરવી હતી. તેઓ અલગ અલગ હોટલોમાં રોકાતા હતા. અહીં યુવકે યુવતી સાથે વારંવાર બળાત્કાર ગુજાર્યો હતો.

આ પછી આરોપીઓએ જ યુવતીને છોડી મૂકતા તે ઘરે પરત ફરી હતી અને પછી વાવ પોલીસ સ્ટેશનમાં બળાત્કારી અને તેની મદદગાર કરનાર બે યુવકો સામે ફરિયાદ નોંધાવી છે. પોલીસે ત્રણેય શખ્સો સામે ફરિયાદ નોંધી ધરપકડ માટેની તજવીજ હાથ ધરી છે. પોલીસે હાલ તપાસ પૂર્ણ કરી યુવતીને તેના પરિવારને સોંપી દીધી છે.