વલસાડઃ ટ્રક પાછળ ઘૂસી જતા કાર ભળભળ સળગી, બે જીવતાં ભૂંજાતા અરેરાટી, જુઓ વીડિયો

વલસાડ: વલસાડ હાઈવે પર ગી કાલે સમી સાંજે એક કાર ટ્રકના પાછળના ભાગે ધડાકાભેર ટકરાતા કાર અને ટ્રક બંનેમાં આગ લાગી હતી. કારમાં સવાર બંને વ્યક્તિ આગની ઝપટમાં આવી ગયા હતા અને બંને ત્યાં જ જીવતા ભૂંજાઇ જતાં અરેરાટી વ્યાપી ગઈ હતી. વલસાડ નેશનલ હાઈવે પર સોમવારે સાંજે 7 વાગ્યાના અરસામાં મુંબઈથી અમદાવાદ જવાના ટ્રેક પર ગુંદલાવ નજીક ફલાહ હોટેલ સામેથી પસાર થઇ રહેલી ટ્રકના પાછળના ભાગે કાર ધડાકાભેર અથડાતા ગમખ્વાર અકસ્માત સર્જાયો હતો. અકસ્માત એટલો ગંભીર હતો કે કારમાં બેસેલા બંનેના અકસ્માત થતા જ મોત થઇ ગયા હતા. જોકે, બંનેની ઓળખ થઈ શકી નથી.