'ગુરમેહર'ના નામ પર સોશિયલ મીડિયા પર વાયરલ થઇ રહ્યો છે આ વીડિયો

મુંબઇઃ હાલમાં જ વિવાદોમાં આવેલી દિલ્લી યૂનિવર્સિટીની વિદ્યાર્થીની ગુરમેહરના નામથી સોશ્યલ મીડિયા પર એક વીડિયો વાઈરલ થયો છે. કારમાં ડાંસ કરતી આ યુવતી ગુરમેહર છે કે નહી તેને લઈને લોકોએ અલગ-અલગ પ્રતિક્રીયા આપવાનું શરૂ કર્યું છે. કેટલાક લોકો તેને ગુરમેહર કહી રહ્યા છે જ્યારે કેટલાક લોકો કહી રહ્યા છે કે આ કોઈ બીજી યુવતીનો વીડિયો છે જેમાં ગુરમેહરનું નામ જોડાવામાં આવ્યું છે. જોકે, આ વીડિયો ગુરમેહરનો જ છે તેની અમે કોઇ દાવો કરતા નથી.

આ યુવતી નુસરત ફતેહ અલી ખાનની મશહૂર કવાલી ‘મેરે રશ્કે કમર તૂને પહેલી નજર’ પર કારમાં મસ્તી કરી રહી છે જેનો વીડિયો સોશ્યલ મીડિયા પર ગુરમેહરનો ડાંસના નામથી વાઈરલ થયો છે.આ વાઈરલ વીડિયોમાં યુવતી અને તેમના મિત્રૌ ડાંસ કરતા સમયે સોડા પી રહ્યા છે.  આ વીડિયોને સોશ્યલ મીડિયા પર યૂટ્યૂબ પર અપલોડ કરવામાં આવ્યો છે.

ઉલ્લેખનીય છે કે રામજસ કૉલેજમાં એબીવીપી વિરૂધ્ધ બોલ્યા બાદ ગુરમેહર ચર્ચામાં આવી હતી. ગુરમેહરે ડીયૂમાં જેએનયૂના વિદ્યાર્થી ઉમર ખાલીદનો લેક્ચર રદ્દ થતાં નારાજગી વ્યક્ત કરી હતી.ત્યારબાદ ગુરમેહરને રેપની ધમકીઓ મળી હતી. ગુરમેહરે તેની વિરૂધ્ધમાં ફરિયાદ પણ દાખલ કરાવી હતી. પરંતુ તે ધણા દિવસોથી સોશ્યલ મીડિયા પર ટ્રેંડ કરી રહી છે. જેના કારણે આ વીડિયો પણ તેના નામ સાથે જોડી ખૂબ જ વાયરલ થઈ રહ્યો છે.