Feng Shui Tips: ફેંગશુઈની આ ટિપ્સ બદલી નાંખશે તમારી જિંદગી, ક્યારેય નહીં થાય ધન-ધાન્યની કમી

Feng Shui Tips ચીનનું વાસ્તુશાસ્ત્ર ફેંગશુઈને ઘરમાંથી નકારાત્મક ઉર્જાને દૂર કરીને સકારાત્મક ઉર્જા લાવવામાં ખૂબ જ કારગર માનવામાં આવે છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Feng Shui Tips:  જે રીતે વાસ્તુશાસ્ત્ર ભારતમાં જીવનના તમામ અવરોધોને દૂર કરવા માટે પ્રચલિત છે, તેવી જ રીતે ચીનની ફેંગશુઈ પણ નકારાત્મક શક્તિઓને દૂર કરીને સકારાત્મક ઉર્જાને પ્રોત્સાહન આપવામાં મદદરૂપ છે. ચાઇનીઝ આર્કિટેક્ચર ફેંગ શુઇનો ઉપયોગ ભારતીય ઘરની સુખ અને સમૃદ્ધિ માટે પણ થાય છે. મોટાભાગના ઘરોમાં ફેંગશુઈ સાથે જોડાયેલી ઘણી વાતો તમે જોઈ હશે. ફેંગશુઈ સાથે જોડાયેલી આ વાતો સૌભાગ્યને વધારવા માટે છે. ફેંગશુઈમાં ફેંગ એટલે હવા અને શુઈને પાણી કહેવામાં આવે છે. ફેંગશુઇના નિયમો આ પાણી અને હવા પર આધારિત છે. ચીનનું વાસ્તુશાસ્ત્ર ફેંગશુઈને ઘરમાંથી નકારાત્મક ઉર્જાને દૂર કરીને સકારાત્મક ઉર્જા લાવવામાં ખૂબ જ કારગર માનવામાં આવે છે. આવી સ્થિતિમાં, ચાલો જાણીએ જીવનમાં સુખ સમૃદ્ધિ માટે ફેંગ શુઇની કેટલીક સરળ રીતો વિશે ...

ઘરમાં લગાવો વિંડ ચાઇમ્સ

પ્રમોશન માટે ઘરના દરવાજા પર વિંડ ચાઈમ લગાવવા જોઈએ. આમ કરવાથી તમારો બિઝનેસ વધશે અને ચારે તરફથી સકારાત્મક ઉર્જા આવશે. સાથે જ તમને ધન લાભ પણ મળશે.

વાંસનો છોડ

ફેંગશુઈ મુજબ જો તમે જીવનમાં ધનની કમી મહેસૂસ કરી રહ્યા છો તો તેને દૂર કરવા માટે ઘરમાં વાંસનો છોડ લગાવવો જોઈએ. ફેંગશુઈના અનુસાર,  વાંસની છ દાંડીવાળો છોડ સંપત્તિ અને સમૃદ્ધિને આકર્ષિત કરે છે. આ પગલાથી, તમારા અટકેલા પૈસા પણ પાછા મળશે. આ સિવાય જો તમે આર્થિક તણાવ સામે ઝઝૂમી રહ્યા છો તો તેનાથી પણ છુટકારો મળશે.

લાફિંગ બુદ્ધા

લાફિંગ બુદ્ધા સુખ, સંતોષ અને સમૃદ્ધિનું પ્રતીક છે. લાફિંગ બુદ્ધાની પ્રતિમા ઘરમાં લગાવવી ખૂબ જ શુભ માનવામાં આવે છે કારણ કે તે તમારા જીવનમાંથી તમામ દુ:ખોને દૂર કરી શકે છે. 

ફેંગ શુઈ દેડકા

ફેંગશુઈ મુજબ જો તમે જીવનમાં આર્થિક પ્રગતિ ઈચ્છો છો તો ફેંગશુઈ દેડકા રાખવાથી તમારા માટે શુભ સાબિત થશે. ફેંગ શુઈ દેડકા પણ ધન આગમનના નવા રસ્તા ખોલે છે.

વેલ્થ શિપ

ફેંગશુઇમાં વેલ્થ શિપનું ઘણું મહત્વ છે. આર્થિક લાભ અને સમૃદ્ધિ માટે તમે વેલ્થ શિપ તમારા ઘર અથવા કાર્યસ્થળની ઉત્તર-પશ્ચિમ દિશામાં મૂકી શકો છો. આમ કરવાથી સંચિત ધનમાં વધારો થાય છે. 

Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો.